පසුගිය ඉරිදා පැවැති මැතිවරණයෙන් හංගේරියාවේ වසර 16 ක වික්ටර් ඕර්බන්ගේ පාලනය අතිවිශාල පරාජයකට පත් කරමින්, පීටර් මැග්යාර් (Péter Magyar) ප්රමුඛ ‘තිසා’ (Tisza) පක්ෂය අතිවිශිෂ්ට ජයග්රහණයක් ලබා ගැනීමට සමත් විය. සියයට 52 ක ඡන්ද ප්රතිශතයක් ලබා ගත් මැග්යාර්, පාර්ලිමේන්තුවේ ආසන 199 න් 140 කට වැඩි ප්රමාණයක් ජයග්රහණය කරමින් “සුපිරි බහුතරයක්” ලබා ගැනීමට සමත්ව ඇත. මේ වන විට පරාජය භාරගෙන ඇති වික්ටර් ඕර්බන්, මෙය “එක් යුගයක අවසානය” බව ප්රකාශ කර තිබේ.
නව රජය පිහිටුවීමේ කටයුතු මැයි 04 වැනිදායින් ආරම්භ වන සතියේදී සිදු කිරීමට නියමිත අතර, නව අග්රාමාත්යවරයා ලෙස පීටර් මැග්යාර් බලය භාර ගැනීමට සූදානමින් සිටී. ඔහු දැනටමත් දූෂණ විරෝධී නීති පැනවීමටත්, රජය සතු මාධ්ය ආයතන ස්වාධීන කිරීමටත් පොරොන්දු වී ඇත. විශේෂයෙන්ම තරුණ පරපුරේ දැඩි සහයෝගය මැග්යාර් වෙත හිමි වී ඇති අතර, ඕර්බන්ගේ පාලන සමයේ සිදුවූ බව කියන මූල්ය වංචා පිළිබඳව පරීක්ෂණ පවත්වන බවට ද ඔහු අනතුරු අඟවා ඇත. යුරෝපා සංගමය සමඟ පවතින සබඳතා යථා තත්ත්වයට පත් කර ගනිමින් හංගේරියාවේ ආර්ථිකය යළි ගොඩනැංවීම ඔහුගේ ප්රධාන අභියෝගය වනු ඇත.
