මෙරට සෞඛ්ය සේවාවේ ප්රගතිය උදෙසා කැපවූ දක්ෂ වෘත්තිකයන්ගේ සේවය අත්යවශ්ය බව අවධාරණය කරමින්, පරිපූරක සහ අතුරු වෛද්ය ක්ෂේත්රයන්හි වෘත්තිකයන් 952ක් සඳහා ඩිප්ලෝමා සහ උසස් ඩිප්ලෝමා ප්රදානය කිරීමේ උත්සවය ඊයේ (19) බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී පැවැත්විණි.
මහජන සෞඛ්ය පවුල් සෞඛ්ය සේවිකාවන් (PHM) 449ක් සහ මහජන සෞඛ්ය ක්ෂේත්ර නිලධාරීන් (PHFO) 77ක් ඇතුළු 526 දෙනෙකුට ඩිප්ලෝමා පිරිනැමීම මෙහිදී සිදු විය. දෙවන සැසියේදී මහජන සෞඛ්ය පරීක්ෂකවරුන් (PHI) 238ක්, ඖෂධවේදීන් 149ක් සහ පාසල් දන්ත චිකිත්සකයන් 39ක් ඇතුළු 426 දෙනෙකුට උසස් ඩිප්ලෝමා ප්රදානය කෙරිණි.
සෞඛ්ය සේවාව ඩිජිටල්කරණය කරමින් නවීකරණය කිරීමට රජය විශේෂ ආයෝජනයක් සිදු කරන බවත්, වෘත්තිකයන්ට අවශ්ය අඛණ්ඩ පුහුණුව ලබාදීමට කටයුතු කරන බවත් අමාත්යවරයා මෙහිදී ප්රකාශ කළේය. එමෙන්ම ක්ෂේත්ර රාජකාරිවල නියුතු පවුල් සෞඛ්ය සේවිකාවන් සහ මහජන සෞඛ්ය පරීක්ෂකවරුන් සඳහා යතුරුපැදි ලබාදීමේ වැඩපිළිවෙළ මෙම වසරේදී කඩිනමින් ආරම්භ කරන බව ද අමාත්යවරයා වැඩිදුරටත් සහතික විය.
