ඇමෙරිකාව සමඟ පවතින උණුසුම්කාරී තත්ත්වය සමනය කර ගැනීම සඳහා ඕනෑම තාර්කික සහ රාජ්යතාන්ත්රික මාවතක් භාවිතා කළ යුතු බව ඉරාන ජනාධිපති මසූද් පෙසෙෂ්කියන් (Masoud Pezeshkian) අද (අප්රේල් 20) ප්රකාශ කළේය. කෙසේ වෙතත්, වොෂින්ටනය සමඟ ගනුදෙනු කිරීමේදී අවදිකම සහ අවිශ්වාසය “ප්රතික්ෂේප කළ නොහැකි අවශ්යතාවයක්” බව ද ඔහු අවධාරණය කර ඇත.
ඉරානය සහ ඇමෙරිකාව අතර ප්රකාශයට පත් කර ඇති සති දෙකක තාවකාලික සටන් විරාමය එළඹෙන බදාදා (අප්රේල් 22) අවසන් වීමට නියමිතය. දෙවැනි වටයේ සාකච්ඡා සඳහා ඇමෙරිකානු නියෝජිත පිරිස අද පාකිස්ථානයේ ඉස්ලාමාබාද් නුවරට පැමිණීමට නියමිත වුවද, ඉරානය මෙතෙක් සිය නියෝජිතයන් එවන බව ප්රකාශ කර නොමැත. ඇමෙරිකාවේ “අතාර්කික ඉල්ලීම්” සහ ස්ථාවරයන් නිතර වෙනස් වීම හේතුවෙන් දෙවැනි වටයේ සාකච්ඡා සඳහා සහභාගී වීමේ සැලසුමක් නොමැති බව ඉරාන රාජ්ය රූපවාහිනිය වාර්තා කරයි.
දෙරට අතර ගැටුම මේ වන විට හෝමුස් සමුද්ර සන්ධිය (Strait of Hormuz) ආශ්රිතව උත්සන්න වී තිබේ. ඇමෙරිකාව විසින් ඉරාන වරායන් අවහිර කර (blockade) ඇති අතර, ඊයේ (19) දින එම අවහිරය මඟහරිමින් යාත්රා කිරීමට උත්සාහ කළ නෞකාවක් ඇමෙරිකානු භාරයට ගෙන ඇත. ඇමෙරිකාවේ මෙම ක්රියාකලාපය රාජ්යතාන්ත්රික සබඳතා පාවා දීමක් බව ඉරාන ජනාධිපතිවරයා වැඩිදුරටත් චෝදනා කරයි.
