2025-2026 වර්ෂ සඳහා වූ ගල්අඟුරු ප්රසම්පාදන ක්රියාවලිය සම්බන්ධයෙන් විගණකාධිපතිවරයා නිකුත් කර ඇති වාර්තාවේ ඇතැම් කරුණු වැරදි සහගත බව වෙළඳ අමාත්ය වසන්ත සමරසිංහ මහතා ප්රකාශ කරයි. මෙම ප්රසම්පාදන ක්රියාවලිය තුළ කිසිදු වංචාවක් සිදුව නොමැති බව රජයේ ස්ථාවරය බව අමාත්යවරයා අවධාරණය කළේය.
ලංසු කැඳවීමේ දැන්වීම පළ කරන අවස්ථාව වන විට සමාගම් ලියාපදිංචි වී තිබිය යුතු බවට විගණකාධිපතිවරයා ගෙන ඇති නිගමනය වැරදි බව අමාත්යවරයා පවසයි. ප්රසම්පාදන කොමිෂන් සභාවේ උපදෙස් අනුව ලංසු ඉදිරිපත් කරන අවස්ථාව වන විට ලියාපදිංචිය තිබීම ප්රමාණවත් බවත් විගණකාධිපතිවරිය මෙම අභ්යන්තර ලේඛන පරිශීලනය නොකිරීම නිසා වාර්තාවේ වැරදි සිදුව ඇති බවත් ඔහු පෙන්වා දුන්නේය.
විෂය භාර අමාත්යවරයා සහ ලේකම්වරයා ධුරවලින් ඉල්ලා අස්වූයේ වංචාවක් නිසා නොව සිදුවන පරීක්ෂණවලට ස්වාධීනත්වයක් ලබා දීම සඳහා බව අමාත්යවරයා මෙහිදී සඳහන් කළේය. රජය වංචාව සහ දූෂණය සම්බන්ධයෙන් කිසිදු සමාවක් නොදෙන (Zero tolerance) ප්රතිපත්තියක සිටින බවත් විමර්ශන මගින් සත්යය හෙළිවනු ඇති බවත් ඔහු පැවසීය.
ගල්අඟුරු ප්රසම්පාදනය සම්බන්ධයෙන් අතීතයේ සිට පැවති ගැටලු වත්මන් රජය නිවැරදි ක්රමවේදවලට අනුකූලව සිදු කර ඇති බවත් කිසිදු පෞද්ගලික වාසියක් මෙහිදී තකා නොමැති බවත් අමාත්යවරයා වැඩිදුරටත් අවධාරණය කළේය.
