ඇපල් සමාගමේ වටිනාකම යුරෝ ට්රිලියන 3.3ක් දක්වා ඉහළ නැංවීමට නායකත්වය දුන් ටීම් කුක් (Tim Cook), වසර 15ක සේවයෙන් පසු ප්රධාන විධායක නිලධාරී (CEO) ධුරයෙන් ඉවත් වන බව නිල වශයෙන් නිවේදනය කර තිබේ.
ටීම් කුක් ලබන සැප්තැම්බර් 01 වැනිදා සිය ධුරයෙන් ඉවත් වීමට නියමිත අතර, ඉන් අනතුරුව ඔහු සමාගමේ විධායක සභාපති (Executive Chairman) ලෙස කටයුතු කරනු ඇත. 65 හැවිරිදි වියේ පසුවන කුක් මහතා ස්ටීව් ජොබ්ස්ගෙන් පසු ඇපල් සමාගම ලොව බලවත්ම තාක්ෂණික සමාගම බවට පත් කිරීමට කැපී පෙනෙන මෙහෙවරක් ඉටු කළේය.
ඇපල් සමාගමේ නව ප්රධාන විධායක නිලධාරියා ලෙස වත්මන් දෘඩාංග ඉංජිනේරු අංශයේ ප්රධානී (Head of Hardware Engineering) ජෝන් ටර්නස් (John Ternus) පත් කර තිබේ. 50 හැවිරිදි ඔහු පසුගිය වසර 25ක කාලය පුරා ඇපල් සමාගම සමඟ සම්බන්ධ වී සිටින අතර, අයිෆෝන් (iPhone), අයිපෑඩ් (iPad) සහ මැක් (Mac) උපාංග සැලසුම් කිරීමේදී ප්රධාන භූමිකාවක් ඉටු කළ පුද්ගලයෙකි.
ටීම් කුක් විධායක සභාපති ධුරයට පත්වීමත් සමඟ, එම ධුරය දැරූ ආතර් ලෙවින්සන් එම තනතුරෙන් ඉවත් වන නමුත් ඔහු තවදුරටත් අධ්යක්ෂ මණ්ඩලයේ සාමාජිකයෙකු ලෙස රැඳී සිටිනු ඇත. මෙම නායකත්ව සංක්රාන්තිය ඇමේසන් සහ නෙට්ෆ්ලික්ස් වැනි දැවැන්ත සමාගම් මීට පෙර සිදුකළ සාර්ථක නායකත්ව වෙනස්කම්වලට සමාන බව විචාරකයෝ පවසති.
