ශ්රී ලංකාවේ සිටි ජ්යෙෂ්ඨතම සහ ප්රවීණතම මාධ්යවේදියෙකු වූ සිරිල් විමලසුරේන්ද්ර මහතා අභාවප්රාප්ත වී තිබේ. මියයන විට ඒ මහතා 97 වැනි වියේ පසුවූ අතර සිංහල හා ඉංග්රීසි භාෂා ද්විත්වයෙන්ම දශක හයකට අධික කාලයක් මෙරට මාධ්ය ක්ෂේත්රයට සුවිශේෂී මෙහෙවරක් ඉටුකළේය.
මුලින්ම පාඨශාලාචාර්යවරයෙකු ලෙස සේවය කළ ඒ මහතා පසුව ලේක්හවුස් ආයතනයේ මාණ්ඩලික මාධ්යවේදියෙකු ලෙස මාධ්ය ක්ෂේත්රයට පිවිසියේය. පසුව උපාලි පුවත්පත් ආයතනය සමඟ එක්ව මහනුවර මාණ්ඩලික මාධ්යවේදියෙකු ලෙස දීර්ඝ කාලයක් කටයුතු කළ ඔහු, මහනුවර ප්රවෘත්ති සමාජය බිහි කිරීමේ පුරෝගාමියා මෙන්ම එහි ප්රථම සභාපතිවරයා ද විය. 2024 වසර දක්වාම ඉතා ක්රියාශීලීව මාධ්යකරණයේ නිරත වූ සිරිල් විමලසුරේන්ද්ර මහතා අවසන් කාලයේ අසනීප තත්ත්වයෙන් පසුවුවද නිවසේ සිට පුවත්පත් සඳහා නිර්මාණාත්මක දායකත්වය ලබා දුන්නේය.
දෙදරු පියෙකු වූ ඒ මහතාගේ දේහය මේ වන විට මහනුවර ජාතික රෝහල ආසන්නයේ පෞද්ගලික මල්ශාලාවක තැන්පත් කර ඇත. අවසන් කටයුතු හෙට (22) පස්වරු 7.00 ට මහනුවර මහයියාව ආදාහනාගාරයේදී සිදු කිරීමට නියමිතව තිබේ.
