ජගත් මිහිතල දිනය අදට (අප්රේල් 22) යෙදී ඇති අතර, “Our Power – Our Planet” (යොදා මිනිස් බලයක් – රැකගමු මිහිතලයක්) යන්න මෙවර එහි නිල තේමාව වී තිබේ. 1970 වසරේදී අමෙරිකානු සෙනෙට් සභික ගේලෝඩ් නෙල්සන්ගේ පුරෝගාමීත්වයෙන් ආරම්භ වූ මෙම දිනය, මේ වන විට ලොව පුරා රටවල් 193ක බිලියන සංඛ්යාත ජනතාවකගේ සහභාගීත්වයෙන් සමරනු ලබන ගෝලීය උත්සවයක් බවට පත්ව ඇත.
2026 වසර වන විට දේශගුණික විපර්යාස, ජෛව විවිධත්වය විනාශ වීම සහ කාර්මික අපද්රව්ය වැනි බරපතල පාරිසරික අභියෝග රැසකට ලෝකය මුහුණ දෙමින් සිටින අතර, මෙම දිනයේ මූලික අරමුණ වන්නේ මිහිතලය යනු සියලු ජීවීන්ගේ පැවැත්ම තහවුරු කරන එකම පද්ධතිය ලෙස සලකා එය ආරක්ෂා කිරීමයි. අධික සම්පත් පරිභෝජනය සහ පරිසර දූෂණය හේතුවෙන් මානව සෞඛ්යයට එල්ල වන තර්ජන අවම කර ගැනීම සඳහා ලෝක ප්රජාව දැනුවත් කිරීම සහ මිහිතලය සුරැකීම වෙනුවෙන් ජනතාව පෙළගැස්වීම මෙහිදී අපේක්ෂා කෙරේ.
