වියට්නාම ජාතික පඤ්ඤාකර හිමියන්ගේ සාම පා ගමන කෑගල්ල දිස්ත්රික්කය හරහා ගමන් කරන අප්රේල් 24, 25 සහ 26 යන දිනවලදී විශේෂ පරිසර සංරක්ෂණ වැඩපිළිවෙළක් ක්රියාත්මක කරන බව පරිසර අමාත්ය ධම්මික පටබැඳි මහතා ප්රකාශ කරයි. කෑගල්ල දිස්ත්රික් සම්බන්ධීකරණ කමිටු රැස්වීමේදී අමාත්යවරයා මේ බව සඳහන් කළේය. මෙම සාම පා ගමන නිමිති කරගනිමින් “වනස්පති” ජාතික වැඩසටහන යටතේ මාතලේ දිස්ත්රික්කයේ “නුගගහ යාය වනාන්තරය” සහ කෑගල්ල දිස්ත්රික්කයේ “පදියගම්පොළ වනාන්තරය” රක්ෂිත ලෙස ප්රකාශයට පත් කිරීමට නියමිතය.
සාම පා ගමන ගමන් කරන මාර්ගය දෙපස පිරිසිදුව තබා ගැනීමට සියලුම පළාත් පාලන ආයතන සම්බන්ධ කරගන්නා අතර, මහජනතාවගෙන් ද ඒ සඳහා සහයෝගය ඉල්ලා සිටී. පා ගමනට සහභාගී වන පිරිසට ආහාර හෝ දානමය කටයුතු සිදු කිරීමට අවසර ලබාදී නොමැති බැවින්, මග දෙපස රැස්වන ජනතාව දානමය කටයුතුවලින් වැළකී සිටිය යුතුය. නිශ්ශබ්දතාවය සහ සාමකාමී බව උපරිමයෙන් ආරක්ෂා කරමින් පා ගමනට ආශිර්වාද කරන ලෙසත්, වාහන පදවන්නන් නලා ශබ්ද කිරීමෙන් වැළකී පා ගමනට ප්රමුඛතාවය ලබා දිය යුතු බවත් අමාත්යවරයා වැඩිදුරටත් පැවසීය. මෙම අවස්ථාවට සබරගමුව පළාත් ආණ්ඩුකාර චම්පා ජානකී රාජරත්න මහත්මිය ඇතුළු පිරිසක් සහභාගී වූහ.
