ජපානයේ දැවැන්ත ආයෝජන සමාගමක් වන SoftBank Group, කෘත්රිම බුද්ධිය (AI) ක්ෂේත්රයේ සිය ආධිපත්යය පැතිරවීමේ අරමුණින් OpenAI සමාගමේ තමන් සතු කොටස් ඇපයට තබා ඇමෙරිකානු ඩොලර් බිලියන 10ක ණය මුදලක් ලබා ගැනීමට උත්සාහ කරන බව බ්ලූම්බර්ග් (Bloomberg) පුවත් සේවය වාර්තා කරයි.
වසර දෙකක කාලසීමාවක් සඳහා ලබා ගැනීමට අපේක්ෂිත මෙම ණය මුදල, OpenAI සමාගම සමඟ පවතින සබඳතා තවදුරටත් ශක්තිමත් කර ගැනීමටත්, නව AI ව්යාපෘති සඳහා ආයෝජනය කිරීමටත් SoftBank සමාගම යොදා ගැනීමට නියමිතය. මීට පෙර පසුගිය මාර්තු මාසයේදී ද SoftBank සමාගම OpenAI ආයෝජන සඳහා ඩොලර් බිලියන 40ක අතුරු ණය මුදලක් (Bridge loan) ලබාගෙන තිබුණි.
ChatGPT වැනි නවීන තාක්ෂණයන් නිපදවන OpenAI සමාගම කෙරෙහි SoftBank සමාගම මෙලෙස දැඩි විශ්වාසයක් තබා ඇත්තේ, පසුගිය වසර කිහිපය තුළ ඔවුන්ගේ Vision Fund අරමුදල ලැබූ පසුබෑම්වලින් මිදී යළිත් ලාභදායී ආයෝජන වෙත යොමු වීමේ උපාය මාර්ගයක් ලෙසිනි. SoftBank සමාගම දැනටමත් සිය Vision Fund 2 හරහා OpenAI සමාගම තුළ ඩොලර් බිලියන 30ක ආයෝජනයක් සිදු කිරීමට එකඟ වී ඇත.
