ඔරකල් (Oracle) සමාගම සහ ගූගල් ක්ලවුඩ් (Google Cloud) එක්ව, SQL පරිගණක භාෂාව භාවිතයෙන් තොරව සාමාන්ය ව්යවහාරික භාෂාවෙන් (Natural Language) දත්ත පද්ධති වෙතින් තොරතුරු ලබාගත හැකි නව AI සහායකයෙකු (Oracle AI Database Agent) හඳුන්වා දී තිබේ. ‘Gemini Enterprise’ සහ ‘Oracle AI Database’ ඒකාබද්ධ කිරීමෙන් නිර්මාණය කර ඇති මෙම මෙවලම ගූගල් ක්ලවුඩ් Marketplace හරහා පරිශීලකයින්ට ලබාගත හැකිය.
ප්රධාන මෘදුකාංග මෙවලම් මගින් දත්ත ලබා ගැනීම සඳහා මීට පෙර තොරතුරු තාක්ෂණ (IT) කණ්ඩායම්වල සහාය අවශ්ය වුවද, මෙම නව තාක්ෂණය හරහා ඕනෑම ව්යාපාරික පරිශීලකයෙකුට සෘජුවම ප්රශ්න ඇසීමෙන් දත්ත වාර්තා ලබාගත හැකිය. දත්ත පද්ධතියෙන් පිටතට දත්ත ගෙනයාමකින් තොරව පද්ධතිය තුළදීම තොරතුරු සැකසෙන බැවින් මෙහි දත්ත ආරක්ෂාව ඉතා ඉහළ මට්ටමක පවතින අතර, එක් එක් පරිශීලකයාට අවසර ඇති දත්ත පමණක් දැකීමේ හැකියාව තහවුරු කර ඇත.
තවද, මෙමගින් බාහිර AI සේවාවන් සඳහා වැයවන පිරිවැය අවම කිරීමට ද හැකියාව ලැබෙන බව ඔරකල් සමාගම පෙන්වා දෙයි. මෙම AI සහායකයා ගූගල් ක්ලවුඩ් හි ‘Vertex AI’ වේදිකාව සමඟ ද සම්බන්ධ කළ හැකි අතර, දැනටමත් ‘Oracle Autonomous AI Database’ භාවිත කරන පාරිභෝගිකයින්ට මෙය අමතර පිරිවැයකින් තොරව ලබාගත හැකිය. දැනට සීමිත පිරිසකට පමණක් විවෘත කර ඇති මෙය මෙම වසරේ අගෝස්තු මාසයෙන් පසු නිල වශයෙන් වෙළඳපොළට නිකුත් කිරීමට නියමිතය.
