නියෝජිතයන්ගෙන් තොරව ක්රියාත්මක වන ඩිජිටල් රක්ෂණ සමාගමක් වන කියෝබෝ ලයිෆ්ප්ලැනට් (Kyobo Lifeplanet) සිය ඩිජිටල් රක්ෂණ අලෙවිකරණ වේදිකාව වන ‘Laplay’ ඇමසන් වෙබ් සේවා (AWS) වලාකුළු යටිතල පහසුකම් වෙත මාරු කර තිබේ. මෙම පියවර හරහා සිය සේවාවන් විදේශීය රක්ෂණ සමාගම් වෙත ව්යාප්ත කිරීම සමාගමේ අරමුණයි. සෞඛ්ය කළමනාකරණය සහ රක්ෂණ අලෙවිකරණය ඒකාබද්ධ කළ මෙම වේදිකාව හරහා පරිශීලකයින්ට ඇවිදීම, ව්යායාම කිරීම සහ නිසි නින්ද වැනි සෞඛ්ය සම්පන්න ක්රියාකාරකම්වල නිරත වීමෙන් ලකුණු උපයා ගත හැකිය.
මෙසේ උපයා ගන්නා ලකුණු රක්ෂණ වාරික ගෙවීමට පමණක් නොව කියෝබෝ පොත් හලෙන් පොත් මිලදී ගැනීමට, තෑගි වවුචර් සහ T-money ලකුණු ලබා ගැනීමට ද භාවිතා කළ හැකි වීම විශේෂත්වයකි. ජාත්යන්තර ව්යාප්තිය සඳහා පහසු වන පරිදි සමාගම සිය තාක්ෂණික ව්යුහය වැඩිදියුණු කර ඇති අතර විවිධ රටවල් සඳහා ස්වාධීනව සේවාවන් සැපයිය හැකි පරිසරයක් ගොඩනගා තිබේ. AWS හි පවතින ඉහළ දත්ත ආරක්ෂණ සහතික හේතුවෙන් විදේශීය රක්ෂණ සමාගම්වලට යටිතල පහසුකම් පිළිබඳ විශ්වාසයකින් යුතුව මෙම සේවාව ලබා ගැනීමට හැකි වේ. 2025 වසරේදී සිය ප්රථම විදේශීය අලෙවිය ආරම්භ කළ Laplay වේදිකාව මේ වන විට තවත් රටවල් කිහිපයකට ව්යාප්ත කිරීම සඳහා සාකච්ඡා පවත්වමින් සිටින අතර Amazon Bedrock වැනි නවීන AI සේවාවන් හරහා ජාත්යන්තර වෙළඳපොළ තුළ විශ්වාසනීය සේවාවක් සැපයීමට AWS සහාය ලබා දෙනු ඇත.
