හිටපු අමාත්ය ලලිත් ඇතුලත්මුදලි මහතාගේ 33 වැනි ගුණසමරු උත්සවය අද (අප්රේල් 23) කොළඹ වරායේ ජයබහලු පිවිසුම ඉදිරිපිට පිහිටි ඒ මහතාගේ පිළිරුව අසලදී පැවැත්වුණි. මෙම අවස්ථාවට එක් වූ එක්සත් ජාතික පක්ෂයේ සභාපති වජිර අබේවර්ධන මහතා සඳහන් කළේ ලලිත් ඇතුලත්මුදලි මහතා මෙරට අධ්යාපන සහ ආර්ථික ක්ෂේත්රයන්හි සුවිශේෂී පෙරළියක් කළ නායකයෙකු බවයි. විශේෂයෙන්ම එතුමා ආරම්භ කළ මහපොළ ශිෂ්යත්ව අරමුදල හරහා රටට උගත් බුද්ධිමත් පරපුරක් දායාද වූ අතර, කොළඹ වරායේ ජයබහලු පර්යන්තය වැනි ව්යාපෘති මගින් මෙරට ආර්ථිකය ශක්තිමත් වූ බව ඒ මහතා පෙන්වා දුන්නේය.
ඉතිහාසය පුරා මෙරට ජාතික නායකයන් 120ක් පමණ ඝාතනයට ලක්වීම හේතුවෙන් වර්තමානය වන විට රට තුළ නායකත්වයේ දැඩි අඩුවක් පවතින බවත්, පවතින දේශපාලන වාතාවරණය හමුවේ වෘත්තීය සමිති ඇතුළු සියලු පාර්ශවයන් ඒකරාශී වී කටයුතු කිරීම අත්යවශ්ය බවත් අබේවර්ධන මහතා එහිදී අවධාරණය කළේය. ලලිත් ඇතුලත්මුදලි වැනි ශ්රේෂ්ඨ නායකයන් ගොඩනැගූ වරාය අධිකාරිය වැනි ආර්ථික වශයෙන් වැදගත් ආයතන රැකගැනීමට නම් සියලු දෙනා පොදු අරමුණක් වෙනුවෙන් එක්විය යුතු බවත්, එසේ නොමැති වුවහොත් ජාතිය දැඩි අනතුරකට මුහුණ දෙනු ඇති බවත් ඔහු වැඩිදුරටත් සඳහන් කළේය.
මෙම ගුණසමරු උත්සවය සඳහා ලලිත් ඇතුලත්මුදලි පදනමේ සාමාජිකයන්, දේශපාලන නායකයන් සහ මහජනතාව විශාල පිරිසක් සහභාගී වී සිටියහ. නූතන ශ්රී ලංකාව ගොඩනැගීමට ඇතුලත්මුදලි මහතා කළ සේවය ඇගයීමට ලක් කිරීම සහ අනාගත නායකත්වය වෙනුවෙන් එවැනි පූර්වාදර්ශයන්හි වැදගත්කම සාකච්ඡා කිරීම මෙම උත්සවයේ මූලික අරමුණ විය.
