චීනයේ සන්න්යා (Sanya) නුවර පැවැත්වෙන 6 වන ආසියානු වෙරළ ක්රීඩා උළෙලේදී ශ්රී ලංකාව වෙනුවෙන් පළමු පදක්කම් ද්විත්වය දිනා ගැනීමට කාන්තා දුර පැනීමේ ඉසව්ව නියෝජනය කළ ක්රීඩිකාවන් දෙපළක් සමත්ව තිබේ. වැලි මත පැවැත්වෙන මෙම සුවිශේෂී තරගාවලියේදී ශ්රී ලාංකේය අභිමානය ජාත්යන්තරයට ගෙන යාමට ඔවුන්ට හැකි විය.
මෙහිදී ඉෂාරා සමන්මලී රිදී පදක්කම දිනාගත් අතර, ශෂිකලා ලංකාතිලක ලෝකඩ පදක්කම දිනා ගැනීමට සමත් වූවාය. 2026 අප්රේල් 22 වනදා ආරම්භ වූ මෙම ක්රීඩා උළෙලේදී ශ්රී ලංකාව වෙනුවෙන් වාර්තා වූ පළමු පදක්කම් ජයග්රහණය මෙය වීම විශේෂත්වයකි. මෙම ජයග්රහණයත් සමඟ ශ්රී ලංකාව පදක්කම් සටහනේ ඉදිරියට පැමිණීමට සමත්ව ඇති අතර, මලල ක්රීඩා අංශයෙන් තවත් පදක්කම් බලාපොරොත්තු තබා ගත හැකි බව ජාතික ඔලිම්පික් කමිටුව සඳහන් කරයි.
