ඇමෙරිකානු මැදිහත් වීමෙන් ඇති කරගත් සටන් විරාමය තවත් සති තුනකින් දීර්ඝ කිරීමට පියවර ගෙන තිබියදීත්, එය ‘අර්ථ විරහිත’ එකක් බව ලෙබනනයේ හිස්බුල්ලා සංවිධානය ප්රකාශ කර තිබේ. ඊශ්රායල ප්රහාර අඛණ්ඩව ක්රියාත්මක වීම හමුවේ මෙම තීරණය ගත් බව ඔවුන් පවසන අතර, දකුණු ලෙබනනයට එල්ල වූ නවතම ඊශ්රායල ප්රහාරයකින් පුද්ගලයන් දෙදෙනෙකු මිය ගොස් ඇති බව එරට සෞඛ්ය අමාත්යාංශය තහවුරු කරයි. මීට ප්රතිචාර වශයෙන් හිස්බුල්ලා සංවිධානය විසින් ඊශ්රායල නියමුවකින් තොර යානයක් (Drone) වෙඩි තබා බිම හෙළීමට ද කටයුතු කර ඇත.
ධවල මන්දිරයේ පැවති සාකච්ඡාවකින් අනතුරුව ජනාධිපති ඩොනල්ඩ් ට්රම්ප් විසින් මෙම සති තුනක සටන් විරාම දීර්ඝ කිරීම නිවේදනය කරනු ලැබුවේ ලෙබනනය සහ ඊශ්රායලය අතර පවතින දරුණු ගැටුම් සමනය කිරීමේ අරමුණිනි. කෙසේ වෙතත්, දේශසීමා ආසන්නයේ ආරක්ෂිත කලාපයක් පවත්වාගෙන යාමට ඊශ්රායලය පියවර ගැනීම සහ දෙපාර්ශවය අතර පවතින දැඩි අවිශ්වාසය හේතුවෙන් සටන් විරාමය ප්රායෝගිකව ක්රියාත්මක වීම අභියෝගයට ලක්ව තිබේ. කලාපය තුළ පවතින මෙම උණුසුම් තත්ත්වය හේතුවෙන් සාමකාමී විසඳුමකට එළඹීම තවදුරටත් ප්රශ්නාර්ථයක් වී ඇත.
