අහංගම, අරංවල හංදියේ පිහිටි “හකුණා මටාටා” (Hakuna Matata) නමැති ආපනශාලාව තුළ බලපත්ර නොමැතිව පවත්වාගෙන ගිය මහා පරිමාණ මත්පැන් අලෙවිසැලක් වටලා විදේශීය මත්පැන් සහ බියර් තොගයක් සමඟ සැකකරුවෙකු අත්අඩංගුවට ගැනීමට පොලිස් විශේෂ කාර්ය බලකාය (STF) සමත් වී තිබේ. විශේෂ කාර්ය බලකායේ මාතර කඳවුරේ නිලධාරීන්ට ලද බුද්ධි තොරතුරකට අනුව ඊයේ (24) මෙම වැටලීම සිදු කර ඇත. අත්අඩංගුවට පත් සැකකරු අහංගම ප්රදේශයේ පදිංචි 36 හැවිරිදි පුද්ගලයෙකු බව පොලීසිය පවසයි.
මෙම වැටලීමේදී විවිධ වර්ගයේ මත්පැන් බෝතල් 60ක් සහ බියර් කෑන් 335ක් නිලධාරීන් භාරයට ගෙන ඇති අතර, මූලික විමර්ශනවලදී හෙළි වී ඇත්තේ අදාළ ස්ථානය කිසිදු නීත්යානුකූල බලපත්රයක් නොමැතිව මත්පැන් අලෙවි කිරීම සඳහා භාවිතා කර ඇති බවයි. අත්අඩංගුවට ගත් සැකකරු සහ මත්පැන් තොගය ඉදිරි නීතිමය ක්රියාමාර්ග සඳහා අහංගම පොලිස් ස්ථානය වෙත භාර දී ඇති අතර, සංචාරක කලාප කේන්ද්ර කරගනිමින් සිදුවන මෙවැනි නීතිවිරෝධී ජාවාරම් මැඩලීමට ආරක්ෂක අංශ මෙහෙයුම් දැඩි කර තිබේ.
