සෝමාලියානු මුහුදු තීරයේ මුහුදු කොල්ලකරුවන්ගේ ක්රියාකාරකම් යළි ඉහළ යාමත් සමඟ බ්රිතාන්ය සමුද්රීය වෙළඳ මෙහෙයුම් ආයතනය (UKMTO) එම කලාපයේ පවතින අවදානම් මට්ටම “සැලකිය යුතු” (Substantial) මට්ටමක් දක්වා ඉහළ නංවා තිබේ.
පසුගිය අප්රේල් 22 වනදා පකිස්ථානු, ඉන්දුනීසියානු, ඉන්දීය සහ මියන්මාර ජාතිකයන් සමඟ ශ්රී ලාංකිකයෙකු ද ඇතුළත් කාර්ය මණ්ඩල සාමාජිකයින් 17 දෙනෙකුගෙන් සමන්විත ‘Honour 25’ නම් තෙල් ප්රවාහන නෞකාව මුහුදු කොල්ලකරුවන් විසින් පැහැර ගන්නා ලදී. දැනට මෙම නෞකාව සෝමාලියානු වෙරළට ආසන්න ‘බාන්ඩර් බෙයිලා’ (Bander Beyla) ප්රදේශයේ රඳවා තබා ඇති බව වාර්තා වේ.මාරේයෝ (Mareeyo) වෙරළට ඔබ්බෙන් තවත් නෞකාවක් පැහැර ගැනීමකට ලක් විය.
ගරාකැඩ් (Garacad) සිට නාවික සැතපුම් 6ක් දුරින් පිහිටි භාණ්ඩ ප්රවාහන නෞකාවක් අවසරයකින් තොරව සෝමාලියානු මුහුදු සීමාව දෙසට හරවා ගෙන ගොස් තිබේ.
අප්රේල් 23 (බ්රහස්පතින්දා): සෝමාලියානු ධජය සහිත ධීවර යාත්රාවක් පැහැර ගත් අතර, තවත් භාණ්ඩ ප්රවාහන නෞකාවකට ප්රහාර එල්ල කිරීමට ගත් උත්සාහයක් නාවික සේවකයින් වෙඩි තැබීම හේතුවෙන් ව්යර්ථ වී ඇත.
වසර කිහිපයක නිහඬතාවයකින් පසු සෝමාලියානු මුහුදු කොල්ලකරුවන් යළි සක්රීය වී ඇති බවත්, කුඩා බෝට්ටු මෙහෙයුම් සඳහා කාලගුණය හිතකර බැවින් එම කලාපය හරහා ගමන් කරන යාත්රා දැඩි අවධානයෙන් පසුවිය යුතු බවත් UKMTO නිවේදනය කරයි. 2005-2012 කාලසීමාව තුළ මෙම කලාපයේ සිදුවූ මුහුදු කොල්ලකෑම් හේතුවෙන් ඩොලර් මිලියන 400කට අධික මුදලක් කප්පම් වශයෙන් ලබාගෙන ඇති බව ලෝක බැංකු වාර්තා පෙන්වා දෙයි.
