ශ්රී ලංකා ක්රිකට් ආයතනයේ හදිසි විධායක සභා රැස්වීමක් අද කැඳවා ඇති අතර එහිදී වත්මන් විධායක සභිකයන් සිය තනතුරුවලින් ඉල්ලා අස්වීමට නියමිත බව වාර්තා වේ. සභාපති ෂම්මි සිල්වා මහතා ඇතුළු නිලධාරීන්ගේ ධුර කාලය ලබන වසර දක්වා පැවතියද, ක්රිකට් පරිපාලනයේ ඇති වී තිබෙන නව ප්රවණතා හමුවේ මෙම තීරණය ගෙන ඇති බව පෙනී යයි. අද පැවැත්වෙන මෙම විශේෂ සාකච්ඡාවෙන් අනතුරුව නිලධාරීන් ඉල්ලා අස්වීම පිළිබඳව නිල ප්රකාශයක් නිකුත් කිරීමට නියමිතය.
මෙම ඉල්ලා අස්වීම්වලින් පසුව ශ්රී ලංකා ක්රිකට් ආයතනය පාලනය කිරීම සඳහා ප්රවීණ හිටපු ක්රීඩකයන්ගෙන් සමන්විත අතුරු පාලක කමිටුවක් පත් කිරීමට රජය සූදානම් වන බවට තොරතුරු වාර්තා වේ. එම අතුරු කමිටුව මගින් ඉදිරි ක්රිකට් නිලවරණය පවත්වන තෙක් ආයතනයේ කටයුතු මෙහෙයවනු ඇත. 2019 වසරේ සිට තෙවරක්ම ශ්රී ලංකා ක්රිකට් ආයතනයේ සභාපති ධුරය දැරූ ෂම්මි සිල්වා මහතාගේ පාලන කාලය මෙලෙස නිමාවට පත්වීම මෙරට ක්රිකට් ක්රීඩාවේ සුවිශේෂී හැරවුම් ලක්ෂයක් වනු නොඅනුමානය.
