එක්සත් ජාතීන්ගේ සංවිධානයේ නිල සංචාරයක් සඳහා ඇමරිකා එක්සත් ජනපදයේ රැඳී සිටින ශ්රී ලංකාවේ ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා මහතා, හයිටි රාජ්යයේ අගමැති ඇලික්ස් ඩිඩියර් ඒම් (Alix Didier Fils-Aimé) මහතා සහ විදේශ කටයුතු අමාත්ය රයිනා ෆෝබින් මහත්මිය නිව්යෝර්ක් නුවරදී හමුවී තිබේ.
මෙම හමුවේදී ශ්රී ලංකාව සහ හයිටි රාජ්යය අතර ද්විපාර්ශ්වික සබඳතා තවදුරටත් ශක්තිමත් කිරීම පිළිබඳව දෙපාර්ශ්වයේම විශේෂ අවධානය යොමු විය. විශේෂයෙන්ම ආරක්ෂක සහයෝගිතාව ඉහළ නැංවීම, කලාපීය සහ ගෝලීය ආරක්ෂක ප්රවණතා මෙන්ම දෙරටටම වැදගත් වන පොදු කරුණු රැසක් පිළිබඳව මෙහිදී දීර්ඝ වශයෙන් සාකච්ඡා කෙරිණි. රාජ්යතාන්ත්රික සහ ආරක්ෂක නාලිකා ඔස්සේ දෙරට අතර වඩාත් සමීප සම්බන්ධතාවයක් පවත්වා ගැනීමට ඇති කැපවීම ආරක්ෂක ලේකම්වරයා මෙහිදී යළිත් තහවුරු කර ඇත.
