ඇමරිකාව ඉදිරිපත් කරන යථාර්ථවාදී නොවන ඉල්ලීම් හේතුවෙන් ඉරානය සහ ඇමරිකාව අතර සාම ගිවිසුමකට එළඹීමේ අවස්ථාව ගිලිහී යමින් පවතින බව ටෙහෙරාන් විශ්වවිද්යාලයේ මහාචාර්ය ෆෝඩ් ඉසාඩි (Foad Izadi) පවසයි. මීළඟ වටයේ සාකච්ඡා ආරම්භ වීමට පෙර දෙරට අතර යුද ගැටුම් යළි ආරම්භ වීමේ වැඩි ඉඩකඩක් පවතින බවට දේශපාලන විශ්ලේෂකයෝ අනතුරු අඟවති.
ඉරාන හමුදාවේ ඉවසීම අවසන් වෙමින් පවතින බව පෙන්වා දෙන මහාචාර්යවරයා, විශේෂයෙන්ම රටේ ආරක්ෂාවට අත්යවශ්ය මිසයිල පද්ධතිය සම්බන්ධයෙන් ඇමරිකාව ඉදිරිපත් කරන ඉල්ලීම්වලට ඉරානය කිසිසේත් එකඟ නොවන බව අවධාරණය කරයි. 2015 වසරේ එකඟතාවලට වඩා ඔබ්බට ගිය අසාධාරණ කොන්දේසි ඇමරිකාව පැනවීමට උත්සාහ කිරීම මෙම උණුසුම්කාරී තත්ත්වයට ප්රධාන හේතුව වී තිබේ.
