භික්ෂූන් වහන්සේලා සහ බුද්ධ ශාසනය ඉලක්ක කරගනිමින් ක්රියාත්මක වන ඇතැම් වැඩපිළිවෙළ හේතුවෙන් රටේ ආගමික හා සංස්කෘතික අනන්යතාවයට දැඩි බලපෑමක් එල්ල වෙමින් පවතින බව හිටපු රාජ්ය අමාත්ය ඉන්දික අනුරුද්ධ මහතා පවසයි. ශ්රී ලංකා පොදුජන පෙරමුණේ පක්ෂ මූලස්ථානයේදී පැවැති ප්රවෘත්ති සාකච්ඡාවකදී ඔහු පෙන්වා දුන්නේ මත්ද්රව්ය චෝදනා මත භික්ෂූන් වහන්සේලා අත්අඩංගුවට ගැනීමේදී අනුගමනය කරන ක්රියාපිළිවෙළ පිළිබඳව දැඩි අවධානයක් යොමු කළ යුතු බවයි. යම් වැරැද්දක් සිදුව ඇත්නම් ඒ පිළිබඳ පරීක්ෂණ මහ බැංකුවේ හෝ මුදල් අමාත්යාංශයේ පරීක්ෂණ සිදුකරන අයුරින් රහසිගතව සිදුකිරීමේ වැදගත්කම ඒ මහතා මෙහිදී අවධාරණය කළේය.
සුළු පිරිසකගේ සිදුවීම් උලුප්පා දක්වමින් සමස්ත සංඝ සමාජයම අපකීර්තියට පත් කිරීමට යම් පාර්ශවයක් උත්සාහ කරන්නේදැයි චෝදනා කළ හිටපු රාජ්ය අමාත්යවරයා, මුදල් අමාත්යාංශයේ දත්ත පද්ධතියට එල්ල වූ හැකර් ප්රහාරය සංවේදී කරුණක් ලෙස සලකා රහසිගතව තබාගත්තේ නම් ඊටත් වඩා සංවේදී වූ රටේ ආගම සහ සංස්කෘතිය කෙරෙහි ජනතාව තුළ පවතින විශ්වාසය බිඳ නොදමන ලෙස රජයෙන් ඉල්ලා සිටියේය.
