යුනෙස්කෝ සංවිධානය සහ එක්සත් ජාතීන්ගේ මහා මණ්ඩලය විසින් ප්රකාශයට පත් කරන ලද ජාත්යන්තර ජෑස් (Jazz) දිනය අදට (අප්රේල් 30) යෙදී තිබේ. 2011 වසරේ සිට වාර්ෂිකව සමරනු ලබන මෙම දිනයේ මූලික අරමුණ වන්නේ ජෑස් සංගීතය උපයෝගී කරගනිමින් ලෝක ප්රජාව අතර සාමය, සහජීවනය සහ සංස්කෘතික විවිධත්වය ප්රවර්ධනය කිරීමයි. හුදෙක් රසවින්දනයට පමණක් සීමා නොවී, ජාතීන් අතර පවතින බාධක බිඳ දමා මානව ගරුත්වය සුරැකෙන සමාජයක් බිහි කිරීමේ ප්රබල මෙවලමක් ලෙස ජෑස් සංගීතය මෙහිදී හඳුනාගෙන ඇත.
වර්තමානය වන විට මෙම සැමරුම මහාද්වීප හතම ආවරණය වන පරිදි බිලියන දෙකකට අධික ජනතාවක් වැළඳගෙන සිටින දැවැන්ත ගෝලීය ව්යාපාරයක් බවට පත්ව තිබේ. විවිධ සංස්කෘතීන් අතර අන්යෝන්ය අවබෝධය සහ සංවාදය ගොඩනැගීමට සංගීතයට ඇති හැකියාව ජාත්යන්තර ජෑස් දිනය හරහා නැවත වරක් ලොවට සිහිපත් කර දෙයි.
