ශ්රී ලංකාව තුළ සිදුවන සමස්ත මරණවලින් 80%කට ආසන්න ප්රමාණයකට බෝ නොවන රෝග හේතු වන බවත්, එම තත්ත්වයට ප්රධානතම සාධකය වී ඇත්තේ දුම්කොළ සහ මධ්යසාර භාවිතය බවත් දුම්කොළ සහ මධ්යසාර පිළිබඳ ජාතික අධිකාරියේ සභාපති විශේෂඥ වෛද්ය ආනන්ද රත්නායක මහතා අනාවරණය කරයි. වත්මන් දත්තවලට අනුව මෙරට තුළ දුම්කොළ සහ මධ්යසාර භාවිතය හේතුවෙන් වසරකට සිදුවන මරණ සංඛ්යාව 22,000ක පමණ ඉහළ අගයක් ගෙන තිබේ. සෞඛ්ය අංශ පෙන්වා දෙන්නේ මෙම මරණ වළක්වා ගත හැකි මට්ටමේ පවතින නමුත් ඇබ්බැහි වීම් හේතුවෙන් මහජන සෞඛ්යයට දැඩි බලපෑමක් එල්ල වී ඇති බවයි.
ගෝලීය තත්ත්වය සලකා බැලීමේදී දුම්කොළ නිෂ්පාදන හේතුවෙන් වාර්ෂිකව මිලියන 70කට ආසන්න පිරිසක් මිය යන අතර, ඉන් 10%ක්ම සෘජුව දුම්පානය නොකරන නමුත් අන් අයගේ දුම්පානයට නිරාවරණය වන (අක්රීය දුම්පානය) පුද්ගලයන් වීම විශේෂත්වයකි. මෙම භයානක සෞඛ්ය තර්ජනයෙන් මහජනතාව මුදා ගැනීම සඳහා දැනුවත් කිරීමේ වැඩසටහන් සහ දැඩි නීතිමය ක්රියාමාර්ගවල අවශ්යතාව වෛද්ය ආනන්ද රත්නායක මහතා වැඩිදුරටත් අවධාරණය කළේය.
