ශ්රී ලංකාව බුටික් (Boutique) සහ සුඛෝපභෝගී සංචාරක ව්යාපාරයේ ප්රමුඛතම ගමනාන්තයක් ලෙස තහවුරු කරමින්, ‘B2B Luxury Connect Sri Lanka 2026’ ප්රදර්ශනය ශ්රී ජයවර්ධනපුර මොනාක් ඉම්පීරියල් හිදී සාර්ථකව පැවැත්විණි. ‘Boutiques in Sri Lanka’ ආයතනය විසින් පිට පිට හත්වන වරටත් සංවිධානය කරන ලද මෙම අවස්ථාවට බුටික් හෝටල් පරිශ්ර 300කට අධික සංඛ්යාවක් සහ විදෙස් නියෝජිතයින් රැසක් එක්ව සිටියහ.
මෙහි ප්රධාන දේශනය පැවැත්වූ සංචාරක නියෝජ්ය අමාත්ය මහාචාර්ය රුවන් රණසිංහ මහතා ප්රකාශ කළේ, මෙරට සංචාරක කර්මාන්තයේ අනාගතය තීරණය කිරීමේදී ඉහළ ආදායම් ලබන (High-yield) සංචාරකයින් ආකර්ෂණය කර ගන්නා බුටික් අංශය ඉතා වැදගත් වන බවයි. ලොව වේගයෙන්ම වර්ධනය වන සංචාරක කාණ්ඩය මෙය බවත්, ශ්රී ලංකාව සතු සත්ය ගවේෂී සහ පුද්ගලාරෝපිත අත්දැකීම් ලබා දීමේ හැකියාව ගෝලීය වෙළඳපොළ තුළ අපව සුවිශේෂී කරන බවත් ඔහු අවධාරණය කළේය.
එංගලන්තය, බෙල්ජියම, ඩුබායි, රුසියාව සහ ඇමරිකා එක්සත් ජනපදය වැනි රටවල සංචාරක නියෝජිතයින්ගේ සහභාගීත්වය හරහා ශ්රී ලංකාවේ සුඛෝපභෝගී සංචාරක ක්ෂේත්රය කෙරෙහි පවතින ජාත්යන්තර විශ්වාසය මැනවින් විදහා දැක්විණි. උත්සවය පුරා ශ්රී ලාංකීය සංස්කෘතික අනන්යතාවය සහ ආගන්තුක සත්කාරය ප්රදර්ශනය වූ අතර, එය දේශීය උරුමය සහ නූතන ප්රමිතීන්ගේ මනා එකතුවක් විය.
සංචාරක ක්ෂේත්රයේ තිරසාර වර්ධනය සඳහා සේවා ප්රමිතීන් ඉහළ නැංවීම, පරිසර හිතකාමී භාවිතයන් ප්රවර්ධනය කිරීම සහ ජාත්යන්තර හවුල්කාරිත්වයන් ශක්තිමත් කිරීමේ අවශ්යතාවය ද මෙහිදී සාකච්ඡාවට ලක් විය. බුටික් හෝටල් හිමියන් ජාත්යන්තර ගැනුම්කරුවන් සමඟ සම්බන්ධ කරමින් ශ්රී ලංකාව ගෝලීය සුඛෝපභෝගී සංචාරක මධ්යස්ථානයක් ලෙස ස්ථාපිත කිරීමට මෙම වේදිකාව අඛණ්ඩව දායක වේ.
