විශ්වවිද්යාල පද්ධතිය තුළ පවතින නේවාසිකාගාර පහසුකම් සහ දේශන ශාලා ඇතුළු යටිතල පහසුකම් ප්රමාණවත් නොවීම හේතුවෙන් සිසුන් මුහුණ දෙන ගැටලු පිළිබඳව සාකච්ඡා කිරීම සඳහා අන්තර් විශ්වවිද්යාල ශිෂ්ය බල මණ්ඩලය අධ්යාපන අමාත්යාංශයේ නිලධාරීන් හමුවී තිබේ.
මෙම සාකච්ඡාවෙන් අනතුරුව මාධ්ය වෙත අදහස් දක්වමින් අන්තර් විශ්වවිද්යාල ශිෂ්ය බල මණ්ඩලයේ කැඳවුම්කරු සසිදු පෙරේරා මහතා පැවසුවේ, විශ්වවිද්යාල තුළ පවතින මෙම පහසුකම් ගැටලු කඩිනමින් විසඳීම සඳහා රජය වඩාත් කාර්යක්ෂම සහ විධිමත් වැඩපිළිවෙළක් ක්රියාත්මක කළ යුතු බවයි. දිනෙන් දින ඉහළ යන ශිෂ්ය සංඛ්යාවට සාපේක්ෂව පවතින පහසුකම් වර්ධනය කිරීමේ අවශ්යතාව පිළිබඳව මෙහිදී අවධාරණය කෙරිණි.
