කළුතර දිස්ත්රික්කයේ ක්රීඩා ක්ෂේත්රය නඟාසිටුවීමේ අරමුණින්, බස්නාහිර පළාත් සභාවේ 2025 වර්ෂයට අදාළ ප්රතිපාදන යටතේ මෙරට ක්රීඩා සමාජ සවිබල ගැන්වීම උදෙසා විශේෂ වැඩසටහනක් පසුගියදා ක්රියාත්මක විය. සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන්, කළුතර දිස්ත්රික් ලේකම් කාර්යාලීය ශ්රවණාගාරයේදී පැවැති මෙම උත්සවයේදී, දිස්ත්රික්කය පුරා විසිරී සිටින ලියාපදිංචි ක්රීඩා සමාජ 70ක් වෙත ක්රීඩා උපකරණ කට්ටල ප්රදානය කෙරිණි.
මතුගම, බණ්ඩාරගම, බේරුවල, හොරණ, මදුරාවල, මිල්ලනිය, අගලවත්ත, කළුතර, වලල්ලාවිට, පාලින්දනුවර, දොඩන්ගොඩ, පානදුර, ඉංගිරිය සහ බුලත්සිංහල යන ප්රාදේශීය ලේකම් කොට්ඨාස නියෝජනය කරමින් මෙම ක්රීඩා සමාජ තෝරා ගෙන තිබූ අතර, එක් ක්රීඩා සමාජයක් සඳහා රුපියල් 50,000 බැගින් වන උපකරණ කට්ටල පිරිනැමීම විශේෂත්වයක් විය.
මෙම අවස්ථාව සඳහා කළුතර දිස්ත්රික් පාර්ලිමේන්තු මන්ත්රීවරුන් වන නන්දන පද්මකුමාර, ඕෂානි උමංගා, සංජීව රණසිංහ, චන්දිම හෙට්ටිආරච්චි, ධනුෂ්ක රංගනාත්, නිලන්ති කොට්ටහච්චි යන මහත්ම මහත්මීන් සහ කළුතර දිස්ත්රික් ලේකම් ජී. එම්. ජනක කේ. ගුණවර්ධන මහතා ඇතුළු රාජ්ය නිලධාරීන් මෙන්ම ක්රීඩා සමාජ නියෝජිතයන් සහ ක්රීඩක ක්රීඩිකාවන් විශාල පිරිසක් එක්ව සිටියහ. මෙම ආධාර පිරිනැමීම තුළින් කළුතර දිස්ත්රික්කයේ බිම් මට්ටමේ ක්රීඩා දක්ෂතා ඉහළ නංවමින්, අනාගත ජාතික මට්ටමේ ක්රීඩක ක්රීඩිකාවන් බිහිකිරීමට ශක්තිමත් පදනමක් සැකසෙනු ඇතැයි අපේක්ෂා කෙරේ.
