තායිවාන ජනාධිපති ලයි චිං-ටේ (Lai Ching-te) මහතා අප්රිකානු කලාපයේ තායිවානයේ එකම රාජ්යතාන්ත්රික මිතුරා වන ස්වාසිලන්තය (Eswatini) වෙත හදිසි සංචාරයක් ආරම්භ කර තිබේ. චීනයේ බලපෑම් හේතුවෙන් මීට පෙර යෙදී තිබූ සංචාරය අවලංගු වීමෙන් දින කිහිපයකට පසුව මෙම සංචාරය සිදුවීම විශේෂත්වයකි.
තායිවාන ජනාධිපතිවරයාව ස්වාසිලන්ත අග්රාමාත්ය රසල් ද්ලමිනි (Russell Dlamini) මහතා විසින් පිළිගනු ලැබූ අතර, එහිදී දෙරට අතර ද්විපාර්ශ්වික සාකච්ඡා පැවැත්වීමට නියමිතය. තායිවානය ලෝකය සමඟ සබඳතා පැවැත්වීම කිසිදු බාධාවකින් නතර නොකරන බව ජනාධිපතිවරයා පවසා ඇත.
කෙසේ වෙතත්, මෙම සංචාරය සම්බන්ධයෙන් චීන විදේශ අමාත්යාංශය සිය දැඩි විරෝධය පළ කර ඇති අතර, චීනය පවසන්නේ තායිවානය තම භූමියේ කොටසක් බවයි. එසේම, චීනය විසින් සියලුම අප්රිකානු රටවලට බදු රහිත වෙළඳ පහසුකම් ලබා දුන්නද, ස්වාසිලන්තය එයින් බැහැර කර තිබේ.
