දිවයිනේ ප්රදේශ කිහිපයක ක්රියාත්මක කළ විශේෂ මත්ද්රව්ය වැටලීම්වලදී හෙරොයින්, අයිස් සහ කුෂ් මත්ද්රව්ය සමඟ සැකකරුවන් තිදෙනෙකු අත්අඩංගුවට ගැනීමට පොලිසිය සමත්ව තිබේ.
හෝමාගම, පන්නිපිටිය ප්රදේශයේදී වලාන මධ්යම දූෂණ මර්ධන ප්රහාරක ඒකකය විසින් සිදුකළ වැටලීමකදී හෙරොයින් ග්රෑම් 120ක් සහ අයිස් මත්ද්රව්ය ග්රෑම් 248ක් සමඟ එක් සැකකරුවෙකු අත්අඩංගුවට ගෙන ඇත. එම ප්රදේශයේදීම ක්රියාත්මක කළ තවත් වැටලීමකදී කුෂ් මත්ද්රව්ය ග්රෑම් 360ක් සන්තකයේ තබාගෙන සිටි තවත් පුද්ගලයෙකු අත්අඩංගුවට පත්ව තිබේ. මොවුන් පන්නිපිටිය ප්රදේශයේ පදිංචි 27 සහ 28 යන වයස්වල පසුවන්නන් වන අතර හෝමාගම පොලිසිය මේ පිළිබඳ වැඩිදුර විමර්ශන මෙහෙයවයි.
මේ අතර, මරදාන සියසෙත සෙවණ නිවාස සංකීර්ණය අසලදී ද විශේෂ වැටලීමක් සිදුකර ඇත. එහිදී අයිස් මත්ද්රව්ය ග්රෑම් 82යි මිලිග්රෑම් 420ක් සන්තකයේ තබාගෙන සිටි 40 හැවිරිදි කොළඹ 10 පදිංචිකරුවෙකු අත්අඩංගුවට ගෙන තිබේ. සැකකරු සතුව තිබී මත්ද්රව්ය ජාවාරමෙන් උපයාගත් බවට සැක කෙරෙන රුපියල් 15,090ක මුදලක් සහ ජංගම දුරකථනයක් ද පොලිස් භාරයට ගෙන ඇත. මරදාන පොලිසිය මේ සම්බන්ධයෙන් ඉදිරි නීතිමය පියවර ගනිමින් සිටී.
