අමෙරිකානු ජනාධිපති ඩොනල්ඩ් ට්රම්ප් විසින් සිය ‘Truth Social’ ගිණුම හරහා බෙදාගත් කෘත්රිම බුද්ධිය (AI) මගින් නිර්මාණය කරන ලද අපූර්ව ඡායාරූපයක් මේ වන විට දැඩි අවධානයට ලක්ව තිබේ. වොෂින්ටන්හි ලින්කන් අනුස්මරණ ස්මාරකය අභිමුව පිහිටි සුප්රකට ජලාශය (Lincoln Memorial Reflecting Pool) අසල සිය කැබිනට් මණ්ඩලයේ සාමාජිකයන් සමඟ උඩුකය නිරුවත්ව අව්ව තපින ආකාරය මෙම ඡායාරූපයෙන් දැක්වේ.
මෙම නිර්මාණාත්මක ඡායාරූපයේ ජනාධිපති ට්රම්ප් සමඟ උප ජනාධිපති ජේ.ඩී. වෑන්ස්, රාජ්ය ලේකම් මාර්කෝ රූබියෝ සහ අභ්යන්තර කටයුතු ලේකම් ඩග් බර්ගම් ද නිරූපණය කර ඇත. මීට අමතරව තවත් කාන්තාවක ද එම ඡායාරූපයට ඇතුළත් කර තිබේ. කෘත්රිම බුද්ධිය භාවිත කරමින් සැබෑ ඡායාරූපයකට ඉතාමත් සමීප අයුරින් මෙය නිර්මාණය කර තිබීම විශේෂත්වයකි.
ජනාධිපති ට්රම්ප් මීට පෙර ද අවස්ථා කිහිපයකදීම මෙලෙස උපහාසාත්මක සහ ආකර්ශනීය AI ඡායාරූප සිය සමාජ මාධ්ය ජාල හරහා ප්රචාරය කර ඇති අතර, මෙම නවතම ඡායාරූපය ද ඔහුගේ ආධාරකරුවන් අතර වේගයෙන් සංසරණය වෙමින් පවතී.
