මෙරට කෘෂිකර්මාන්තයට බලපා ඇති පොහොර අර්බුදය හමුවේ ගොවි ජනතාව සිය දැඩි අප්රසාදය රජය වෙත පළ කර සිටිති. “අපි පොහොර ඉල්ලන්නේ දිය කරලා බොන්න නෙමෙයි, රටට බත් දෙන්නයි” යනුවෙන් පවසමින් ගොවීන් පෙන්වා දෙන්නේ වගා කටයුතු සඳහා අවශ්ය පොහොර නොමැති වීමෙන් සමස්ත දේශීය සහල් නිෂ්පාදනයම කඩාවැටීමේ අවදානමක් පවතින බවයි.
පවතින කෘෂිකාර්මික අර්බුදය විසඳීමට වත්මන් බලධාරීන් අසමත් වී ඇති බවට චෝදනා කරන ගොවි ජනතාව, “කෘෂිකර්ම අමාත්යාංශය පවත්වාගෙන යන්න ගොවියෙක් එවන්නද?” යනුවෙන් ජනාධිපතිවරයාගෙන් ප්රශ්න කර සිටිති. ක්ෂේත්රයේ ප්රායෝගික ගැටලු හඳුනා නොගෙන ක්රියාත්මක වන නිලධාරීවාදය හේතුවෙන් ගොවියා මෙන්ම පාරිභෝගිකයා ද අසීරුවට පත්ව ඇති බව ඔවුන්ගේ අදහසයි.
පොහොර සහනාධාරය කඩිනමින් ලබා දීමට රජය මැදිහත් නොවුණහොත්, ඉදිරි මාස කිහිපය තුළ රට තුළ දැඩි සහල් හිඟයක් නිර්මාණය වනු ඇති බවට ද ගොවි සංවිධාන අනතුරු අඟවා සිටියි.
