ජාතික සංවර්ධන බැංකුවේ (NDB) වාර්තා වී ඇති බරපතල මූල්ය වංචාව සහ මෙරට මූල්ය ක්ෂේත්රයේ නියාමන දුර්වලතා පිළිබඳව වහාම ජාත්යන්තර මට්ටමේ ස්වාධීන වෝහාරික පරීක්ෂණයක් පවත්වන ලෙස හිටපු මුදල් අමාත්ය රවී කරුණානායක මහතා ජනාධිපති අනුර කුමාර දිසානායක මහතාගෙන් ඉල්ලීමක් කර තිබේ.
මෙම වංචාව අනාවරණය වීමට මාස 16කට පෙර සිටම අවම වශයෙන් වාණිජ බැංකු දෙකක් විසින් ඒ පිළිබඳව මූල්ය බුද්ධි ඒකකය දැනුවත් කර තිබූ බව රවී කරුණානායක මහතා පෙන්වා දෙයි. මහ බැංකුව ඇතුළු නියාමන ආයතන නිසි පියවර ගැනීමට ප්රමාද වීම බැංකු පද්ධතියේ අධීක්ෂණ සහ වගකීම් සහතික කිරීමේ බරපතල අර්බුදයක් බව ඔහු පවසයි.
බැංකු ගනුදෙනු අධීක්ෂණය සඳහා අත්යවශ්ය middle-office ක්රියාවලිය දුර්වල වීම.
CEFT සහ RTGS ශේෂයන් අතර ස්වයංක්රීය සැසඳුම් යාන්ත්රණයක් නොමැතිකම සහ නවීන මෘදුකාංග පද්ධති ක්රියාත්මක කිරීමට අපොහොසත් වීම.
2026 වසරේදී NDB බැංකුව සිදුකළ රුපියල් බිලියන 16.2 ක ණයකර නිකුතුව සම්බන්ධයෙන් SEC සහ CSE වැනි ආයතන නිසි ලෙස වගකීම් ඉටු කර ඇත්දැයි යන්න සැක සහිත වීම.
පරීක්ෂණ ක්රියාවලිය සඳහා ඉන්දීය රිසර්ව් බැංකුව, එංගලන්ත බැංකුව හෝ සිංගප්පූරු මූල්ය අධිකාරිය වැනි ජාත්යන්තර ආයතනවල සහය ලබා ගැනීම.
මූල්ය ක්ෂේත්රයේ ස්ථාවරත්වය වෙනුවෙන් ගන්නා පියවර පිළිබඳව ජාත්යන්තර මූල්ය අරමුදල (IMF) නිල වශයෙන් දැනුවත් කිරීම.
බැංකු විගණන කමිටු සාමාජිකයන්ගේ පළපුරුද්ද සහ මහ බැංකු නිර්ණායක පිළිබඳව සොයා බැලීම.
ආයෝජක විශ්වාසය සහ මූල්ය ස්ථාවරත්වය ආරක්ෂා කර ගැනීම සඳහා විනිවිදභාවයකින් යුත් තීරණාත්මක ක්රියාමාර්ග ගැනීම අත්යවශ්ය බව හිටපු අමාත්යවරයා වැඩිදුරටත් අවධාරණය කරයි.
