ඉරාන විදේශ අමාත්ය අබ්බාස් අරාග්චි මහතා අද (06) උදෑසන චීනයේ බීජිං අගනුවර වෙත පැමිණ තිබේ. චීන ඉහළ රාජ්ය නායකයින් සමඟ විශේෂ සාකච්ඡාවලට සහභාගී වීම මෙම සංචාරයේ ප්රධාන අරමුණයි.
ඉරාන විදේශ අමාත්යවරයා චීන විදේශ අමාත්ය වන්ග් යී (Wang Yi) මහතා සමඟ ද්විපාර්ශ්වික සබඳතා, කලාපීය ආරක්ෂාව සහ ගෝලීය උපායමාර්ගික ගැටලු පිළිබඳව සාකච්ඡා කිරීමට නියමිතය. විශේෂයෙන් හෝමූස් සමුද්ර සන්ධිය ආශ්රිත ආරක්ෂක අවදානම හේතුවෙන් ලෝක තෙල් සැපයුමට එල්ල වී ඇති බලපෑම පිළිබඳව මෙහිදී වැඩි අවධානයක් යොමු වනු ඇතැයි අපේක්ෂා කෙරේ.
මැදපෙරදිග යුදමය තත්ත්වය හමුවේ කල් දැමුණු ඇමරිකානු ජනාධිපති ඩොනල්ඩ් ට්රම්ප් සහ චීන ජනාධිපති ෂී ජින්පින් අතර හමුව මේ මාසයේ පැවැත්වීමට නියමිතව තිබේ. එවන් පසුබිමක සහ බීජිං නුවර ගෝලීය රාජතාන්ත්රික කේන්ද්රස්ථානයක් ලෙස ලෝක අවධානය දිනා ඇති මොහොතක මෙම සංචාරය සිදුවීම විශේෂත්වයකි.
