පාර්ලිමේන්තු මන්ත්රී රාමනාදන් අර්චුනා මහතා පසුගියදා පාර්ලිමේන්තුවේදී සිදුකළ ප්රකාශයක් සමාජ මාධ්ය සහ දේශපාලන ක්ෂේත්රය තුළ දැඩි කතාබහට ලක්ව තිබේ. බලශක්ති අමාත්යවරයා වෙත පැනයක් යොමු කරමින් ඔහු සඳහන් කර සිටියේ කච්චතිව් දූපත පමණක් නොව මුළු යාපනයම තමිල්නාඩුවට භාර දිය යුතු බවයි. විශේෂයෙන්ම ඩෙල්ෆ් දූපතේ පවතින දැඩි විදුලි අර්බුදය මුල් කරගනිමින් මන්ත්රීවරයා මෙම අදහස් පළ කළ අතර එහිදී ඔහු පෙන්වා දුන්නේ ඩෙල්ෆ් වැසියන්ට සතියේ දින පහක්ම විදුලිය නොමැති බවයි.
තමිල්නාඩු දේශපාලඥ විජේ මහතා කච්චතිව් දූපත සම්බන්ධයෙන් සිදුකළ ඉල්ලීමක් ජනාධිපතිවරයා විසින් ප්රතික්ෂේප කිරීම පිළිබඳවද මෙහිදී අදහස් දැක්වුණි. මන්ත්රී අර්චුනා පවසන්නේ තමිල්නාඩු වැසියන් යාපනයේ ජනතාව වඩාත් හොඳින් ආරක්ෂා කරනු ඇති බවයි. මෙම ප්රකාශය ශ්රී ලංකාවේ ස්වෛරීභාවය සහ දේශීය පරිපාලන ගැටලු සම්බන්ධයෙන් විවිධ පාර්ශ්වයන් අතර දැඩි සංවාදයක් ඇති කිරීමට සමත්ව තිබේ.
