රජයේ ආයතන පද්ධතියේ කාර්යක්ෂමතාව සහ විනිවිදභාවය තහවුරු කිරීම සඳහා අභ්යන්තර විගණන පද්ධතිය ශක්තිමත් කිරීම අත්යවශ්ය කරුණක් බව පොදු ව්යාපාර පිළිබඳ කාරක සභාවේ (කෝප් කමිටුව) සභාපති, පාර්ලිමේන්තු මන්ත්රී වෛද්ය නිශාන්ත සමරවීර මහතා පවසයි. ආයතනයක් තුළ සිදුවන මූල්ය අක්රමිකතා සහ පරිපාලනමය දුර්වලතා කල්තියා හඳුනා ගැනීමටත් ඒවා නිවැරදි කිරීමටත් ශක්තිමත් විගණන ක්රියාවලියක් පැවතීම අනිවාර්ය බව පෙන්වා දෙන ඒ මහතා, ඒ හරහා මහජන මුදල් අවභාවිත වීම අවම කරගත හැකි බව අවධාරණය කළේය.
ආයතන ප්රධානීන් සහ නිලධාරීන් සිය අභ්යන්තර විගණන අංශ වෙත වැඩි අවධානයක් යොමු කළ යුතු අතර පවතින අඩුපාඩු මගහරවා ගනිමින් වඩාත් ක්රමවත් පාලන තන්ත්රයක් ගොඩනැගීමට කටයුතු කළ යුතු බව ද සභාපතිවරයා වැඩිදුරටත් සඳහන් කළේය. කෝප් කමිටුව හමුවට කැඳවනු ලබන ආයතනවල මූල්ය විනය පරීක්ෂා කිරීමේදී විධිමත් අභ්යන්තර විගණනයක් පවත්වාගෙන නොයෑම බොහෝ ගැටලුවලට මුල වී ඇති බව නිරීක්ෂණය වී ඇති බැවින් මෙම පියවර කඩිනම් කිරීමේ වැදගත්කම ඔහු මෙහිදී පෙන්වා දුන්නේය.
