වත්මන් රජය රට පාලනය කිරීමේදී තවමත් ආධුනික මට්ටමක පසුවන “එල් බෝඩ්” (L-Board) ආණ්ඩුවක් ලෙස ක්රියා කරන බව සමගි ජන බලවේගයේ ගාල්ල දිස්ත්රික් මන්ත්රී ගයන්ත කරුණාතිලක මහතා පාර්ලිමේන්තුවේදී ඊයේ (07) ප්රකාශ කළේය. ජනතාවගේ මුදල් සාංඝික දේපළ මෙන් ආරක්ෂා කරන බවට පොරොන්දු වී බලයට පැමිණි පිරිස් මේ වන විට මහජන මුදල් අවභාවිත වන ආකාරය දෙස නොසැලකිලිමත් ලෙස බලා සිටින බව ඔහු වැඩිදුරටත් චෝදනා කළේය.
රටේ පවතින උද්ධමනය සහ බඩු මිල ඉහළ යාම හේතුවෙන් වැඩ කරන ජනතාවට ජීවත් වීමට අපහසු තත්ත්වයක් උදා වී ඇති බවත්, ඉතිහාසයේ කිසිදු දිනක නොවූ තරම් ඉහළ මිලක් ජනතාවට ගෙවීමට සිදුව ඇති බවත් මන්ත්රීවරයා මෙහිදී පෙන්වා දුන්නේය. “මාස හයෙන් රට හදනවා” යැයි පවසමින් බලයට පැමිණි ආණ්ඩුවට දැන්වත් තමන් දුන් පොරොන්දු ඉටු කරමින් හොරු ඇල්ලීමට සහ බඩගින්නේ සිටින ජනතාවට සහන දීමට හැකියාව තිබිය යුතු බව ඔහුගේ අදහස විය.
ආණ්ඩුව ගෙදර යාමට ඇති බය නිසා විවිධ කතා කියමින් සිටින නමුත් අවසානයේදී පාලකයන් ගෙදර යැවිය යුත්තේ ජනතාව විසින්ම බව කරුණාතිලක මහතා අවධාරණය කළේය. ගල්අඟුරු ගනුදෙනු ඇතුළු විවිධ වංචා දූෂණ සම්බන්ධයෙන් රජය දක්වන මන්දගාමී ප්රතිපත්තිය විවේචනය කළ ඔහු, වහාම ජනතාවට සහන සැලසීමේ වැඩපිළිවෙළක් අවශ්ය බව ද කියා සිටියේය.
