විදේශගතව සිටින මහා පරිමාණ මත්ද්රව්ය ජාවාරම්කරුවෙකු වන ‘ඩුබායි සුද්දා’ නමැත්තාගේ මත්ද්රව්ය ජාලයේ බණ්ඩාරගම ප්රදේශයේ ප්රධාන බෙදාහරින්නා ඇතුළු සැකකරුවන් 07 දෙනෙකු අත්අඩංගුවට ගැනීමට බණ්ඩාරගම පොලිසිය සමත් වී තිබේ. බණ්ඩාරගම, වැල්මිල්ල අලෝතියාව ප්රදේශයේ නිවසක පවත්වාගෙන ගිය මත්ද්රව්ය පැකට් කරන මධ්යස්ථානයක් වටලා මෙම පිරිස අත්අඩංගුවට ගෙන ඇත.
මෙම වැටලීමේදී රුපියල් ලක්ෂ 15කට අධික වටිනාකමින් යුත් හෙරොයින් ග්රෑම් 50ක් සහ අයිස් මත්ද්රව්ය ග්රෑම් 25ක් සොයාගෙන තිබේ. මීට අමතරව මත්ද්රව්ය පැකට් කිරීමට යොදාගන්නා විශේෂිත කඩදාසි, ඉටිකොළ, ජංගම දුරකථන 04ක්, මෝටර් රථයක් සහ මත්ද්රව්ය ඇසිරීමට භාවිත කරන විවිධ උපකරණ ද පොලිස් භාරයට ගෙන ඇත. බණ්ඩාරගම පොලිස් ස්ථානාධිපති ප්රධාන පොලිස් පරීක්ෂක චන්න අමරසේකර මහතාට ලද තොරතුරක් මත මෙම සාර්ථක වැටලීම සිදුකර ඇති අතර, සැකකරුවන් පානදුර මහෙස්ත්රාත් අධිකරණයට ඉදිරිපත් කිරීමට නියමිතය.
