තමිල්නාඩු ප්රාන්තයේ 17 වන ප්රධාන අමාත්යවරයා ලෙස දිවුරුම් දුන් තලපති විජේ (@actorvijay) මහතා සිය ධුරයේ වැඩ භාරගත් පළමු දිනයේදීම මහජන සුභසාධන යෝජනා ක්රම තුනකට අත්සන් තබමින් සක්රීය පාලනයක් ආරම්භ කර ඇත. කාන්තා ආරක්ෂාව, බලශක්ති සහන සහ මත්ද්රව්ය මර්ධනය යන අංශ මෙහිදී ඔහුගේ ප්රමුඛ අවධානයට ලක් විය.
ඒ අනුව තමිල්නාඩුව පුරා කාන්තා ආරක්ෂාව ශක්තිමත් කිරීම සඳහා “Singappen Athiradi Padai” නමින් විශේෂ ආරක්ෂක ඒකකයක් පිහිටුවීමටත්, නිවාස සඳහා දැනට ලැබෙන නොමිලේ විදුලි ඒකක 100 ක සහනය ඒකක 200 දක්වා ඉහළ නැංවීමටත් ඔහු අනුමැතිය ලබා දුන්නේය. මීට අමතරව තරුණ පරපුර මත්ද්රව්ය උවදුරෙන් මුදා ගැනීම සඳහා සෑම දිස්ත්රික්කයකම විශේෂ මත්ද්රව්ය නාශක ඒකක පිහිටුවීමට ද නියෝග කර ඇත.
දිවුරුම් දීමෙන් පසු ජනතාව ඇමතූ මහ ඇමති විජේ මහතා සඳහන් කළේ තම පාලනය තුළ දූෂණයට කිසිදු ඉඩක් නොමැති බවත්, රාජ්ය භාණ්ඩාගාරයේ තත්ත්වය පිළිබඳව පූර්ණ විනිවිදභාවයකින් කටයුතු කරන බවත්ය. ප්රාන්තයේ පවතින ණය බර හමුවේ වුවද යථාර්ථවාදී ලෙස ජනතාව වෙනුවෙන් උපරිම සේවයක් ඉටු කරන බව ඔහු මෙහිදී වැඩිදුරටත් අවධාරණය කළේය.
