මහනුවර කිවුල්ලිද ප්රදේශයේදී පවුල් ආරවුලක් හේතුවෙන් 23 හැවිරිදි තරුණයෙකු පොරවකින් කොටා ඝාතනය කර ඇති බව පොලිසිය පවසයි. මෙම ඝාතනයට ලක්ව ඇත්තේ හෙන්නන් ගෙදර සුසන්ත බණ්ඩාර නැමති කම්කරුවෙකු ලෙස සේවය කළ තරුණයෙකි.
මූලික විමර්ශනවලදී අනාවරණය වී ඇත්තේ මෙම තරුණයාගේ පියා, ඔහුගේ දෙවන විවාහයේ බිරිඳගේ දියණිය, පුත්රයා සහ බෑණනුවන් සමඟ එක්ව මෙම ඝාතනය සිදුකර ඇති බවයි. සැකකරුවන් විසින් නිවස ඉදිරිපිට කුඩා ආපනශාලාවක් ද පවත්වාගෙන ගොස් තිබේ. ඝාතනය සඳහා යොදාගත් පොරව අසල පිහිටි දිය අගලකට විසි කර ඇති අතර, එය සෙවීම සඳහා පොලිසිය මෙහෙයුමක් ආරම්භ කර ඇත. සිද්ධිය සම්බන්ධයෙන් සැකකරුවන් අත්අඩංගුවට ගැනීමට මහනුවර පොලිසිය වැඩිදුර විමර්ශන සිදු කරයි.
