මධ්යම අධිවේගී මාර්ගයේ පළමු අදියර යටතේ ක්රියාත්මක වන කඩවත සිට මීරිගම දක්වා වූ කොටසේ ඉදිකිරීම් කටයුතු මේ වන විට 48%ක් අවසන් වී ඇති බව ප්රවාහන හා මහාමාර්ග අමාත්යාංශය නිවේදනය කරයි.
අධිවේගී මාර්ග ජාලයේ ඉදිරි සැලසුම් පිළිබඳව අමාත්යාංශය පෙන්වා දුන් කරුණු කිහිපයක් මෙන්න:
කඩවත අන්තර් හුවමාරුවේ වැඩකටයුතු 2027 වසරේ මුල් භාගය වන විට අවසන් කිරීමට අපේක්ෂිත අතර, සම්පූර්ණ කඩවත – මීරිගම කොටස 2028 වසරේ මැද භාගය වන විට ජනතා අයිතියට පත් කිරීමට සැලසුම් කර ඇත. මෙම කොටස නිම වීමත් සමඟ දක්ෂිණ අධිවේගී මාර්ගය සහ කොළඹ – කටුනායක අධිවේගී මාර්ගය, පිටත වටරවුම් මාර්ගය ඔස්සේ මධ්යම අධිවේගී මාර්ගය සමඟ සෘජුව සම්බන්ධ වනු ඇත.
මීට අමතරව, වරාය පිවිසුම් මාර්ගයේ (Port Access Road) වැඩකටයුතු ද අවසන් වීමෙන් පසු මහජනතාවට කොළඹ, කටුනායක, කුරුණෑගල සහ මත්තල වැනි ප්රධාන නගර කරා ඉතා පහසුවෙන් සහ කඩිනමින් අධිවේගී මාර්ග ඔස්සේ ගමන් කිරීමේ හැකියාව ලැබෙන බව අමාත්යාංශය වැඩිදුරටත් සඳහන් කරයි.
