රජය විසින් නියම කරන ලද අවම වැටුප් වැඩිවීම මෙතෙක් සිය සේවකයින්ට ලබා නොදුන් පෞද්ගලික අංශයේ ආයතන සම්බන්ධයෙන් කම්කරු අමාත්යාංශයේ දැඩි අවධානය යොමුව තිබේ. කම්කරු නියෝජ්ය අමාත්ය මහින්ද ජයසිංහ මහතා සහ පෞද්ගලික ආරක්ෂක සේවා සපයන සමාගම්වල ප්රධානීන් අතර අමාත්යාංශ පරිශ්රයේදී පැවැති විශේෂ සාකච්ඡාවකදී මේ පිළිබඳව දීර්ඝ වශයෙන් කරුණු විමසා ඇත. බොහෝ පෞද්ගලික ආයතන මේ වන විට අදාළ වැටුප් වැඩිවීම් ලබා දී තිබුණද, ඇතැම් සමාගම් එම සහනය සේවකයන්ට ලබාදීම මෙතෙක් පැහැර හැර ඇති බව මෙහිදී අනාවරණය විය.
පෞද්ගලික අංශයේ සේවක අයිතිවාසිකම් සුරක්ෂිත කිරීමේ වැදගත්කම පෙන්වා දුන් නියෝජ්ය අමාත්යවරයා, මෙතෙක් වැටුප් වැඩි කිරීමට පියවර නොගත් ආයතන පිළිබඳව වහාම සොයා බලා අවශ්ය පියවර ගන්නා ලෙස නිලධාරීන්ට උපදෙස් ලබා දුන්නේය. ජීවන වියදමට සාපේක්ෂව සේවකයන්ගේ සුබසාධනය සැලසීම ආයතනවල වගකීමක් බවත්, රජයේ නියමයන්ට අනුකූලව කටයුතු නොකරන ආයතන සම්බන්ධයෙන් ඉදිරියේදී දැඩිව නීතිය ක්රියාත්මක කරන බවත් අමාත්යාංශය වැඩිදුරටත් අවධාරණය කරයි.
