තමිල්නාඩු මහ ඇමති ධුරයට පත් වූ සී. ජෝසප් විජේ (විජේ) මහතා වෙත ජනාධිපති අනුර කුමාර දිසානායක මහතා පෞද්ගලිකව සුබ පැතුම් එක් කිරීම පිළිබඳව තමන් පුදුමයට පත් වූ බව එක්සත් ජාතික පක්ෂය නිවේදනයක් නිකුත් කරමින් පවසයි. විදේශීය රටක පළාත් නායකයෙකු පත් වූ අවස්ථාවක, රාජ්ය නායකයෙකු ලෙස එවැනි සුබ පැතුම් පණිවිඩ යැවීමේ රාජ්ය තාන්ත්රික සම්ප්රදායක් නොමැති බව එම පක්ෂය පෙන්වා දෙයි.
මෙලෙස තමිල්නාඩු මහ ඇමතිවරයාට පමණක් විශේෂත්වයක් දැක්වීම ප්රශ්න කරන එක්සත් ජාතික පක්ෂය, ඉන්දියාවේම අලුතින් තේරී පත් වූ බටහිර බෙංගාල මහ ඇමති සුවෙන්දු අධිකාරි හෝ ඇසෑම් මහ ඇමති හිමන්ත බිස්වා ෂර්මා යන මහත්වරුන් වෙත ජනාධිපතිවරයා මෙවැනි සුබ පැතුම් පණිවිඩයක් ලබා නොදුන්නේ මන්දැයි වැඩිදුරටත් විමසා සිටියි.
