එක්සත් රාජධානියට අයත් ‘ඇම්බිෂන්’ (Ambition) නමැති කෲස් නෞකාවේ මගීන් 49 දෙනෙකු ආමාශය ආශ්රිත රෝගයකට ගොදුරුවීම හේතුවෙන්, එහි සිටින මගීන් සහ කාර්ය මණ්ඩලය ඇතුළු 1,200කට අධික පිරිසක් නිරිතදිග ප්රංශ මුහුදු සීමාවේ සිරවී සිටිති. මෙම නෞකාවේ මගීන් 1,233ක් සහ කාර්ය මණ්ඩල සාමාජිකයින් 514ක් සිටින අතර, ඔවුන්ගෙන් බහුතරය බ්රිතාන්ය සහ අයර්ලන්ත ජාතිකයන් බව වාර්තා වේ.
ප්රංශ බලධාරීන් විසින් මගීන්ට නෞකාවෙන් ඉවත්වීම තහනම් කර ඇති අතර මේ වන විට මගීන් තිදෙනෙකු හුදෙකලා කර තිබේ. මෙම ආමාශගත රෝගය මෑතකදී වාර්තා වූ ‘හන්ටා’ වයිරසයට සම්බන්ධ නොවන බව තහවුරු වී ඇත. මේ අතරතුර නෞකාවේ සිටි 92 හැවිරිදි පුද්ගලයෙකු මියගොස් ඇති නමුත්, ඔහු කිසිදු රෝග ලක්ෂණයක් පෙන්නුම් කර නොමැති බැවින් මරණයට හේතුව මෙතෙක් අනාවරණය වී නොමැත.
