විශ්රාමලත් මහාධිකරණ විනිසුරු ලලිත් ඒකනායක මහතාගේ සභාපතිත්වයෙන් යුත් ජාතික පොලිස් කොමිෂන් සභාවේ වසරක නිල කාලය අද (15) අවසන් වීමට නියමිතය. මෙම නිල කාලය නිමවීම සනිටුහන් කරමින් කොමිෂන් සභාවේ නිල සමුගැනීමේ උත්සවය ඊයේ (14) කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලා පරිශ්රයේදී පවත්වන ලදී. 2023 වසරේ මැයි මස 15 වැනි දින පත් කරන ලද මෙම වත්මන් කොමිෂන් සභාව සිය රාජකාරි කටයුතු ආරම්භ කරනු ලැබුවේ එම වසරේම මැයි මස 16 වැනිදාය.
ශ්රී ලංකා පොලීසිය සහ පොලිස් නිලධාරීන් සම්බන්ධයෙන් පුළුල් අධීක්ෂණ බලතල සහිත ස්වාධීන ආයතනයක් වන ජාතික පොලිස් කොමිෂන් සභාව, ප්රථම වරට ස්ථාපිත කරන ලද්දේ 2002 වසරේදී 17 වැනි ව්යවස්ථා සංශෝධනය යටතේය. වත්මන් සාමාජිකයන්ගේ නිල කාලය අදින් අවසන් වුවද, නව කොමිෂන් සභා සාමාජිකයන් පත් කරන තෙක් ආයතනික කටයුතු අඛණ්ඩව පවත්වාගෙන යෑම සඳහා වත්මන් නිලධාරීන්ම එම ධුරවල තවදුරටත් කටයුතු කරනු ඇත. ඒ අනුව, ඉදිරි පත්වීම් සිදුවන තෙක් කොමිෂන් සභාවේ පරිපාලන සහ අධීක්ෂණ කටයුතු බාධාවකින් තොරව සිදුවීමට නියමිතය.
