මාතර දිස්ත්රික්කයේ නිල්වලා ගඟ හරහා ලවණ බාධකයක් ඉදිකිරීම හේතුවෙන් ඇති වූ ගංවතුර තත්ත්වයෙන් පීඩාවට පත් ගොවීන් වෙනුවෙන් වන්දි ගෙවීමට අමාත්ය මණ්ඩල අනුමැතිය හිමිව තිබේ. කෘෂිකර්ම, පශු සම්පත්, ඉඩම් හා වාරිමාර්ග අමාත්යවරයා ඉදිරිපත් කළ යෝජනාවකට අනුව දෙදහස් දහනවය යල කන්නයේ සිට දෙදහස් විසිදෙක යල කන්නය දක්වා අනුයාත කන්න හතකදී සිදු වූ වී වගා හානි වෙනුවෙන් මෙලෙස වන්දි පිරිනැමේ. කෘෂිකාර්මික හා ගොවිජන රක්ෂණ මණ්ඩලයේ වන්දි ගෙවීමේ ක්රමවේදයට අනුව පිරිවැය සහ වී මිල සැලකිල්ලට ගනිමින් මෙම වන්දි මුදල් ගණනය කර ඇති අතර ඒ සඳහා දෙදහස් විසිහය අයවැය මඟින් රුපියල් මිලියන එක්දහස් දෙසියයක මුදලක් වෙන් කර තිබේ. ඒ අනුව අදාළ කන්නයන් සඳහා අක්කරයකට ගෙවීමට නියමිත වන්දි මුදල දෙදහස් දහනවය යල කන්නය සඳහා රුපියල් හතළිස්දහසක් ද, දෙදහස් දහනවය විස්ස මහ කන්නය සඳහා රුපියල් හතළිස්හයදහස් අටසිය හැටක් ද, දෙදහස් විස්ස යල කන්නය සඳහා රුපියල් හතළිස්දහසක් ද, දෙදහස් විස්ස විසිඑක මහ කන්නය සඳහා රුපියල් හතළිස්දෙදහස් එකසිය පනහක් ද, දෙදහස් විසිඑක යල කන්නය සඳහා රුපියල් හතළිස්නවදහස් නවසිය එකක් ද, දෙදහස් විසිඑක විසිදෙක මහ කන්නය සඳහා රුපියල් පනස්අටදහස් දෙසිය හැත්තෑදෙකක් සහ දෙදහස් විසිදෙක යල කන්නය සඳහා රුපියල් හැටහතරදහස් එකසිය දෙකක් වශයෙන් සුදුසුකම් ලත් ගොවීන් වෙත ලබාදීමට නියමිතය.
