ආනයනික වාහන සඳහා පනවා ඇති රේගු ආනයන බද්දට සියයට 50ක අධිභාරයක් (Surcharge) පැනවීමට ආසන්න දිනකදී, මෝටර රථ 4,000ක් ආනයනය කිරීම සඳහා සමාගම් දෙකක් විසින් ණයවර ලිපි (LC) විවෘත කර ඇතැයි සමගි ජන බලවේගයේ (SJB) දූෂණ විරෝධි බලවේගයේ ජාතික කැඳවුම්කරු නිරෝෂන් පාදුක්ක මහතා පවසයි.
ඔහු මේ බව සඳහන් කරමින්, මෙම ගනුදෙනුවල නීත්යානුකූලභාවය සහ අක්රමිකතා සිදුව ඇත්දැයි වහාම සොයා බලන ලෙස ඉල්ලමින් ශ්රී ලංකා මහ බැංකුව (CBSL) වෙත නිල ලිපියක් භාර දීමට කටයුතු කර තිබේ.
ඉදිරියේදී රට තුළ ඇතිවිය හැකි ආර්ථික අවදානම් තත්ත්වයන් මඟහරවා ගැනීමේ අරමුණින්, රජය විසින් වාහන ආනයනයේදී රේගු බදු සඳහා 50%ක අධිභාරයක් පනවනු ලැබුවේ පසුගිය මැයි මස 15 වැනිදාය. කෙසේ වෙතත්, මෙම බදු සංශෝධනය ක්රියාත්මක වීමට පෙර රහසිගත තොරතුරු කාන්දු වීමක් (Information leak) හරහා අදාළ සමාගම් දෙක මෙලෙස කඩිනමින් ණයවර ලිපි විවෘත කර ඇති බවට විපක්ෂය සැක පළ කරයි.
මේ අතර, ඇමෙරිකානු ඩොලරයට සාපේක්ෂව ශ්රී ලංකා රුපියලේ අගය තවදුරටත් අවප්රමාණය වෙමින් පවතින පසුබිමක මෙවැනි මහා පරිමාණ වාහන ආනයන ගනුදෙනු විදේශ විනිමය සංචිත කෙරෙහි ද බලපෑම් එල්ල කළ හැකි බව පෙන්වා දී ඇත.
