බදුල්ල – මහියංගනය ප්රධාන මාර්ගයේ කන්දකැටිය ප්රදේශයේදී ධාවනය වෙමින් තිබූ වෑන් රථයක්, එහි රියදුරාට ක්ෂණිකව නින්ද යාම හේතුවෙන් පාලනයෙන් ගිලිහී ගොස් බරපතල අනතුරකට ලක්ව තිබේ. මෙම අනතුර ඊයේ දින (මැයි 20) සිදුව ඇත.ධාවනය වෙමින් තිබූ වෑන් රථයේ රියදුරාට නින්ද යාමත් සමඟ රථය මාර්ගයෙන් ඉවතට පැන, පසෙක තිබූ ආරක්ෂිත කොන්ක්රීට් කණු කිහිපයක සෘජුවම ගැටී අනතුරට ලක්ව ඇති බව පොලීසිය සඳහන් කරයි. අනතුර හේතුවෙන් වෑන් රථයේ ඉදිරිපස කොටසට දැඩි හානි සිදු වී තිබේ.ආරක්ෂාකාරී රිය පැදවීමක් තුළින් මාර්ග අනතුරු වලින් තොර සමාජයක් බිහි කිරීමට, මෙම අනතුරෙහි ස්වභාවය විමසා බලා නිරන්තරයෙන් සිහියේ තබා ගැනීමට උපකාරී වනු පිණිස මෙම තොරතුරු පළ කරනු ලැබේ. වාහන ධාවනයේදී විමසිලිමත්ව සහ නිදිමත ගතියෙන් තොරව රිය පැදවීමේ වැදගත්කම මෙමඟින් නැවත වරක් සිහිපත් කර දෙයි.
