ගාසා තීරය වෙත සංකේතාත්මකව මානුෂීය ආධාර රැගෙන යමින් සිටි “ගෝලීය සුමුද් ෆ්ලෝටිලා” (Global Sumud Flotilla) යාත්රාව ඊශ්රායල ආරක්ෂක අංශ භාරයට ගැනීමෙන් පසු, එහි සිටි පලස්තීන හිතවාදී ක්රියාකාරීන් සිය ගණනක් පිටුවහල් කිරීමට ඊශ්රායලය පියවර ගෙන තිබේ. ඊශ්රායල අන්ත දක්ෂිණාංශික ජාතික ආරක්ෂක අමාත්ය ඉටමර් බෙන් ගිවියර් (Itamar Ben-Gvir) විසින් සමාජ මාධ්ය වෙත මුදාහරින ලද වීඩියෝවක් හේතුවෙන් ජාත්යන්තර වශයෙන් එල්ල වූ දැඩි විරෝධය හමුවේ මෙම පිටුවහල් කිරීම සිදු විය.
අදාළ වීඩියෝ පටයේ අත්අඩංගුවට ගත් ක්රියාකාරීන්ගේ දෑත් පිටුපසට බැඳ, දණ ගස්වා අමානුෂික ලෙස රඳවා තබාගෙන සිටින ආකාරය නිරූපණය වන අතර, මේ පිළිබඳව ලෝකයේ ප්රබල රටවල් රැසක් ඊශ්රායලයට සිය අප්රසාදය පළ කර ඇත.
මෙම සිදුවීමට ප්රතිචාර දක්වමින් එක්සත් රාජධානිය (UK) විසින් බ්රිතාන්යයේ සිටින ඊශ්රායලයේ ඉහළම රාජ්ය තාන්ත්රික නිලධාරියා වන භාරකාර ඩැනියෙලා ග්රුඩ්ස්කි එක්ස්ටීන් (Daniela Grudsky Ekstein) වහාම කැඳවා තිබේ. බ්රිතාන්ය විදේශ කටයුතු කාර්යාලය නිවේදනයක් නිකුත් කරමින් කියා සිටියේ, මෙම පියවර මඟින් ආධාරක මුලපිරීම්වලට සම්බන්ධ ක්රියාකාරීන් කෙරෙහි බෙන් ගිවියර් දැක්වූ අශෝභන හැසිරීම සහ හිංසනය එක්සත් රාජධානියේ “දැඩි හෙළා දැකීම” (Strong Condemnation) පිළිඹිබු කරන බවයි.
