ඉරානය සමඟ පවතින සාකච්ඡා ද සමඟ මැදපෙරදිග කලාපයේ වඩාත් පුළුල් හා ස්ථාවර එකඟතාවක් ඇති කරගැනීම සඳහා සෞදි අරාබිය, කටාර් රාජ්යය, පකිස්ථානය, තුර්කිය, ඊජිප්තුව සහ ජෝර්දානය යන රටවල් වහාම ‘ඒබ්රහම් ගිවිසුම’ (Abraham Accords) සඳහා එක්විය යුතු බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
මෙම පුළුල් කලාපීය එකඟතාව සාර්ථක කර ගැනීම සඳහා නව සාමාජිකයන්ගේ මැදිහත්වීම අත්යවශ්ය බව ජනාධිපති ට්රම්ප් අවධාරණය කරයි.
දැනටමත් එක්සත් අරාබි එමීර් රාජ්යය සහ බහරේනය මෙම ගිවිසුමේ සාමාජිකයන් ලෙස කටයුතු කරයි.
කලාපීය ආරක්ෂාව තහවුරු කිරීම, ද්විපාර්ශ්වික සබඳතා ශක්තිමත් කිරීම සහ ඉරානය සමඟ ඇති කරගැනීමට නියමිත නව ගිවිසුම ද ඇතුළත් වන පරිදි කලාපීය දේශපාලන ස්ථාවරත්වයක් ගොඩනැගීම මෙහි මූලික ඉලක්කයයි.
අමෙරිකානු පරිපාලනයේ අදහස වන්නේ, මෙම රටවල් සියල්ලම එකම රාමුවකට ගෙන ඒම හරහා මැදපෙරදිග කලාපයේ ස්ථාවරත්වය තහවුරු කළ හැකි බවයි.
