ජාත්යන්තර මූල්ය අරමුදලේ කොන්දේසි නිසා ආධාර මුදල් ලබාගත නොහැකි වූ බව හෙළිදරව් කෙරේවර්තමාන රජය බලයට පත්වීමෙන් පසු විදේශගතව සිටින සිය මිතුරන් පිරිසක් ඩොලර් මිලියන 23ක මුදලක් ශ්රී ලංකාවට ආධාරයක් ලෙස ලබාදීමට සූදානම්ව සිටියද, ජාත්යන්තර මූල්ය අරමුදලේ (IMF) පවතින නීති රීති සහ මූල්ය රෙගුලාසි හේතුවෙන් එම මුදල් මෙරටට ගෙන ඒමට නොහැකි වූ බව ප්රකට සංගීත ශිල්පී සංගීත් විජේසූරිය මහතා පවසයි.අන්තර්ජාල නාලිකාවක වැඩසටහනකට එක්වෙමින් ඒ මහතා මේ බව අනාවරණය කළේය. ඕස්ට්රේලියාවේ පදිංචි දෙදෙනෙකු සහ එක්සත් රාජධානියේ සිටින මිතුරෙකු ඇතුළු පිරිසක් මෙම මුදල් ලබාදීමට සූදානම්ව සිටි බව ඔහු පැවසීය. මෙම මුදල් ආයෝජනයක් ලෙස නොව, රටට දක්වන සහයෝගයක් හා ආධාරයක් ලෙස ලබා දීමට ඔවුන් බලාපොරොත්තු වූ බව විජේසූරිය මහතා වැඩිදුරටත් පැහැදිලි කළේය.මෙම කාරණය සම්බන්ධයෙන් ජනාධිපති අනුර කුමාර දිසානායක මහතා හෝ අදාළ බලධාරීන් සමඟ තමන් සාකච්ඡා කළ බවත්, එහිදී දැනගන්නට ලැබුණේ ජාත්යන්තර මූල්ය අරමුදලේ කොන්දේසි සහ පවතින මූල්ය නීති රීති අනුව එලෙස මුදල් මෙරටට ගෙන ඒමට නොහැකි බවත් ඔහු සඳහන් කළේය. “එම්.එෆ්. එකෙන් බැහැ, එහෙම ගෙනල්ලා ඩොලර් මෙහෙට දාන්න බැහැ, ඒක තමයි නීතිය” යනුවෙන් තමන්ට දැනුම් දුන් බව සංගීත විජේසූරිය මහතා වැඩිදුරටත් කියා සිටියේය.
