ඇමරිකා එක්සත් ජනපදය මූලස්ථානය කරගත් සුප්රසිද්ධ ‘Business World International Organization’ (BWIO-USA) සංවිධානය මෙහෙයවූ “BWIO International Awards 2026” අභිෂේක සම්මාන උළෙල පසුගිය මැයි 16 වනදා ගල්කිස්ස මහ හෝටලයේදී (Mount Lavinia Hotel) අතිඋත්කර්ෂවත් අන්දමින් පැවැත්වුණි. ආසියානු පැසිෆික් කලාපය තුළ පවත්වනු ලබන වඩාත් ගෞරවාන්විත හා ඉහළම ජාත්යන්තර ව්යාපාරික සම්මාන උළෙලක් ලෙස සැලකෙන මෙහිදී, විවිධ කර්මාන්ත ක්ෂේත්ර නියෝජනය කරමින් සුවිශේෂී විශිෂ්ටත්වයක්, ව්යවසායකත්ව නායකත්වයක්, නව්යකරණයක් සහ සාර්ථකත්වයක් පෙන්නුම් කළ ව්යාපාර හා වෘත්තිකයන් රැසක් ඇගයීමට ලක් කරමින් සම්මාන පිරිනැමීම සිදු කෙරිණි.
මෙම අභිමානවත් රාත්රිය වර්ණවත් කිරීම සඳහා ශ්රී ලංකාවේ මෙන්ම විදේශීය රටවල ප්රමුඛ පෙළේ ප්රකෝටිපති ව්යාපාරිකයන්, රාජ්යතාන්ත්රිකයන්, ක්ෂේත්රයේ ප්රවීණයන් සහ වෘත්තිකයන් විශාල පිරිසක් සහභාගී වී සිටියහ. උළෙලේ ප්රධාන ආරාධිත අමුත්තා ලෙස ශ්රී ලංකාවේ මැලේසියානු මහ කොමසාරිස් මෙන්ම මාලදිවයිනේ මැලේසියානු තානාපතිවරයා ද වන බද්ලි හිෂාම් ඇඩම් (Badli Hisham Adam) මහතා සහභාගී වූ අතර, ගෞරවනීය ආරාධිතයන් ලෙස මෙරට කීර්තිමත් ව්යාපාරික නායකයන් වන කිෂූ ගෝමස්, රොහාන් පල්ලේවත්ත සහ ඩයට්මා ඩෝරින් යන මහත්වරු එක්ව සිටියහ.
මීට අමතරව රියා ෂර්මා, විජයකුමාර් රවුට්, විශ්රාමික මේජර් ජෙනරාල් ආර්. ඒ. ජේ. එන්. රණසිංහ, එම්. සෙන්දිල්නාදන්, මාටිනා ගුසාර් සහ ජූගන් පෙයිෆර් යන ජාත්යන්තර සහ දේශීය ප්රභූන් පිරිසක් විශේෂ ආරාධිතයන් ලෙස සහභාගී වූ මෙම උත්සවයේදී, පැමිණි සියලුම අමුත්තන් පිළිගැනීම ඇන්තනී ඩෙක්ස්චර් ප්රනාන්දු, තරිඳු විජේනායක සහ එමරිටා විජේනායක යන මහත්ම මහත්මීන් විසින් සිදු කරන ලදී. ගෝලීය ව්යාපාරික ප්රජාව අතර සහයෝගීතාවය, නායකත්වය සහ විශිෂ්ටත්වය ප්රවර්ධනය කරමින් ජාත්යන්තර ව්යාපාරික සබඳතා තවදුරටත් ශක්තිමත් කිරීමට BWIO-USA සංවිධානය දක්වන අඛණ්ඩ දායකත්වය මෙම දැවැන්ත සම්මාන උළෙල හරහා නැවත වරක් මනාව සනාථ විය.
