ජනාධිපති අනුර කුමාර දිසානායක මහතා විසින් 2025 අයවැය මගින් ඉදිරිපත් කළ ප්රතිපත්තියට අනුව, ඌන උපයෝජිත රජයේ වතු ඉඩම් සහ දේපළ වඩාත් ඵලදායී ලෙස සංවර්ධනය කිරීමේ වැඩසටහනේ දෙවන අදියර වැවිලි සහ ප්රජා යටිතල පහසුකම් අමාත්යාංශය විසින් ආරම්භ කර තිබේ. මහනුවර, මාතලේ, නුවරඑළිය, බදුල්ල, මොනරාගල, කෑගල්ල සහ ගාල්ල යන දිස්ත්රික්කවල පිහිටි විශාල වතු ඉඩම්, තේ කර්මාන්තශාලා සහ බංගලා ආයෝජන අවස්ථා සඳහා විවෘත වේ.
මෙම ආයෝජන අවස්ථා කාණ්ඩ පහක් යටතේ වර්ග කර ඇත
පළමු කාණ්ඩය (හෙක්ටයාර 100 ට වැඩි): කෘෂි සංචාරක කර්මාන්තය සහ කුළුබඩු වගාව සඳහා වසර 30ක බදු කාලයකට ලබාදෙන හගල, මිඩ්ලන්ඩ්, ඕපල්ගල, වුඩ් සයිඩ් වැනි වතු.
දෙවන කාණ්ඩය (හෙක්ටයාර 50 සිට 100 දක්වා): කෘෂි සංචාරක ව්යාපෘති සඳහා වසර 30ක බදු කාලයකට ලබාදෙන ගල්පිහිල්ල, කැල්ල බොක්ක, කොටගඟ, ගෝමර සහ හරේ පාර්ක් වැනි වතු.
තෙවන කාණ්ඩය (හෙක්ටයාර 20 සිට 50 දක්වා): වැවිලි ක්ෂේත්රය, සූර්ය බලශක්ති සහ සංචාරක ව්යාපෘති සඳහා වසර 20-30ක කාලයකට ලබාදෙන රත්වත්ත, විහාරගල, හන්තාන වැනි වතු.
සිව්වන කාණ්ඩය (හෙක්ටයාර 20 ට අඩු): සංචාරක හා කෘෂිකාර්මික ව්යාපෘති සඳහා සුදුසු දෙල්තොට, ගලබොඩ, කඳල්ඔය වැනි ප්රදේශවල කුඩා ඉඩම් කොටස්.
පස්වන කාණ්ඩය (බංගලා සහ කර්මාන්තශාලා): සංචාරක කර්මාන්තය හෝ නිෂ්පාදන කටයුතු සඳහා වසර 20-30ක බදු කාලයකට ලබාදෙන තේ කර්මාන්තශාලා සහ බංගලා/නිල නිවාස.
ශ්රී ලංකාවේ පුරවැසියන්ට හෝ මෙරට නීත්යානුකූලව ස්ථාපිත ආයතනයකට මේ සඳහා අයදුම් කළ හැකිය. අයදුම්පත් 2026 ජූනි මස 30 වන දින පෙ.ව. 11.00ට පෙර “සභාපති, ඉහළ ප්රසම්පාදන කමිටුව, වැවිලි සහ ප්රජා යටිතල පහසුකම් අමාත්යාංශය, 8 වැනි මහල, A පර්යන්තය, සෙත්සිරිපාය II වන අදියර, බත්තරමුල්ල” යන ලිපිනයට ලියාපදිංචි තැපෑලෙන් හෝ පුද්ගලිකව භාරදිය යුතුය.
වැඩිදුර තොරතුරු සහ ඉඩම් ලැයිස්තුව www.plantation.gov.lk වෙබ් අඩවියෙන් ලබාගත හැකි අතර, වැඩි විස්තර සඳහා 0112186223 දුරකථන අංකයෙන් හෝ [email protected] විද්යුත් තැපෑලෙන් සම්බන්ධ විය හැකිය.
